Menu
RSS

waamini wa Kanisa Katoliki watakiwa kuwa Imara

DAR ES SALAAM

Paroko wa Parokia ya Watakatifu Mashahidi wa Uganda, Magomeni, Jimbo Kuu Katoliki la Dar Es Salaam Padri CHRISTIAN LIKOKO amewataka waamini kusimama imara katika imani yao Katoliki.

Ametoa wito huo juzi Jumamosi kwenye adhimisho la Misa Takatifu ya kumuombea Mmoja wa waamini waasisi wa Parokia hiyo Marehemu LEONARD JOHN SONDOKA aliyefariki katikati ya wiki iliyopita.

Padri LIKOKO amebainisha kuwa Ukristo maana yake ni Mateso, Kifo na Ufufuko hivyo ni lazima kila mwamini apitie njia hiyo ya maisha kama KRISTO mwenyewe alivyoipitia na kufikia Utukufu wake.

Amesema baadhi ya waamini wanajaribu kuishi kwa kukimbia na kuhamahama kwenye makanisa na madhehebu mengine kutafuta faraja jambo ambalo halina maana yoyote isipokuwa kumkufuru Mungu.

Padri LIKOKO ameipongeza familia ya SONDOKA kwa kuonyesha ukomavu wa kiimani na kumtunza baba yao katika kipindi chote cha kuugua kwake bila kutetereka katika Imani.

Adhimisho hilo la Misa Takatifu pia liliwashirikisha baadhi ya Mapadri waliowahi kuhudumu Parokiani hapo akiwemo Paroko wa Kanisa Kuu la Mtakatifu YOSEFU, Padri Dakta JOSEPH MATUMAINI na Paroko wa Parokia ya Mt. MARTHA, Mikocheni Padri ANDREA MWEKIBINDU.

Mapadri wengine ni Paroko Msaidizi wa Parokia hiyo Padri ISRAEL SLAA na Paroko wa Parokia ya Mlandizi Padri MARTIN DOMINIC ambaye Baba yake mzazi Mzee DOMINO RUTAYEBESIBWA ni rafiki wa Marehemu mzee SONDOKA.

Marehemu Mzee LEONARD JOHN SONDOKA aliyezaliwa Novemba 1, 1927 huko Itaga, Tabora na amefariki Novemba 14, 2016 akiwa na umri wa miaka 89 akiwa kwenye matibabu katika Hospitali ya Taifa ya Muhimbili.

***

Gaudence Hyera

back to top
Tumaini Media

Radio-TV Tumaini, also trading as Tumaini Media, is legally registered in Tanzania under the Business Registration and Licensing Agency (Brela), No 116952. It is a registered Tax payer with TIN 100-251-094 and VRN 10-012753-P. Tumaini Media runs radio and TV stations, and a newspaper namely Radio Tumaini, Tumaini Television and Tumaini Letu, respectively. Tumaini Media seeks to serve the Tanzania community regardless of their colour. race. religion and tribe.

  Jesus is the Patron of our Station

We Now Covering 7 Regions

Coverage has been expanded to include seven out of 21 regions of Tanzania, thus: Tanga, Pwani, Morogoro, Zanzibar, Dar es Salaam and some areas of Dodoma, Kilimanjaro, Iringa and Mbeya Regions.