Menu
RSS

Serikali yafikia makubaliano na waasi Yemen

Waasi wa madhehebu ya Shia wanaomshikilia nyumbani kwake Rais wa Yemen wamefikia makubaliano na kiongozi huyo anayeungwa mkono na Marekani kukomesha mzozo wa umwagaji damu katika mji mkuu.

Makubaliano hayo yaliofikiwa usiku wa manane ambayo yanawaahidi waasi kuwa na usemi mkubwa katika kuliendesha taifa hilo maskini kabisa katika ulimwengu wa Kiarabu ili waasi hao wawaondowe wapiganaji wao wanaozingira makaazi ya Rais Abed Rabbo Mansour Hadi na maeneo mengine muhimu ya mji mkuu hayakubainisha hasa nani anaongoza nchi hiyo.

Kwa mujibu wa shirika la habari la Yemen SABA waasi hao wa Houthi pia wamekubali kumuachilia huru mshauri mkuu wa Hadi ambaye wamemteka nyara hivi karibuni.

Wahouthi ambao waliudhibiti mji mkuu wa nchi hiyo na taasisi nyingi za serikali tokea mwezi wa Septemba wamesema walichokuwa tu wakikitaka ni mgao wa haki wa kushirikiana madaraka. Wahakiki wanasema wanataka kuendelea kumbakisha Hadi kama Rais kwa jina tu wakati wakishikilia hatamu za madaraka.

Hadi bado anashikiliwa

 Wapiganaji wa Kihouthi wakiwa katika sare za kijeshi mjini Sanaa.

Wapiganaji wa Kihouthi wakiwa katika sare za kijeshi mjini Sanaa.

Baada ya mapambano ya siku kadhaa na kutekwa kwa Ikulu ya Rais wasaidizi wa Hadi wamesema amekuwa akishikiliwa nyumbani kwake baada ya waasi wa Kihouthi kuwaondowa walinzi wake na badala yake kuwaweka wapiganaji wao.

Mashahidi wanasema wapiganaji wa Kihouthi wameendelea kubakia nje ya kasri la rais na makao yake ya binafsi ambapo mkuu wa nchi ndiko anakoishi hasa .Katika taarifa yake aliyotolewa Alhamisi Rais Hadi amesema Wahouthi wamekubali kuwaondowa wapiganaji wao katika sehemu hizo.

Lakini Mohammed al - Bukhaiti mjumbe wa kamati kuu ya Wahouthi ameliambia shirika la habari la Uingereza Reuters kwamba kuondolewa kwa wapiganaji wao na kuachiliwa kwa mkurugenzi wa ofisi ya Hadi, Ahmed Awad bin Mubarak kutoka kizuizini kutafanyika siku mbili au tatu iwapo serikali itatekeleza masharti ya makubaliano yao.

Walichokubaliana

Makubaliano hayo yanamtaka Rais Hadi kuunda upya tume iliopewa majukumu ya kurasimu katiba kuhakikisha uwakilishi mzuri wa Wahouthi.Rasimu hiyo ilikuwa imependekezwa kuundwa kwa serikali ya shirikisho ya majimbo sita jambo ambalo Wahouthi wamelikataa. Makubaliano ya Jumatano yanakusudia kuundwa kwa taifa la shirikisho lakini haikutaja pendekezo la majimbo sita.

 Rasi wa zamani wa Yemen Ali Abdullah Saleh.

Rasi wa zamani wa Yemen Ali Abdullah Saleh.

Wahakiki wanamtuhumu Rais aliyepinduliwa Ali Abdallah Saleh aliyepinduliwa kutokana na uasi wa umma hapo mwaka 2011 baada ya kuwepo madarakani mwa miongo mitatu kwa kuwa na mkono wake katika njama ya Wahouthi kuudhibiti mji mkuu wa nchi hiyo.

Akitaka kutumia machafuko hayo kwa faida yake Rais huyo wa zamani wa Yemen hapo Alhamisi ametowa taarifa ya nadra hadharani ambapo amemtaka Hadi kuitisha uchaguzi wa rais na bunge na mapema na kutaka kufutwa kwa vikwazo vya Baraza la Usalama la Umoja wa Mataifa vilivyowekwa dhidi yake na viongozi wengine wawili wa Kihouthi hapo mwaka jana baada ya Wahouthi kunyakuwa madaraka.

Baadhi ya watu wanahofia kwamba mashambulizi hayo ya Wahouthi yanaweza kusababisha kuvunjika kwa Yemen ambayo imeungana tu hapo mwaka 1990. Mchambuzi wa kisiasa Mansour Hayel amesema kwamba unyakuzi wa madaraka wa Wahouthi katika mji mkuu wa nchi hiyo kunaweza kusababisha kusambaratika kwa Yemen nzima na hali inaweza kuwa mbaya sana kushinda hata ile ya Somalia.

Read more...

Mahasimu wa Sudan Kusini wasaini makubaliano

  • Published in Africa

Viongozi wa pande hasimu nchini Sudan Kusini wamesaini makubaliano ya kuimairisha juhudi za kukomesha vita vya wenyewe kwa wenyewe mjini Arusha, Tanzania, wakishuhudiwa na viongozi kadhaa wa Afrika.

Rais Salva Kiir na kiongozi wa waasi, Riek Machar, walisaini makubaliano hayo ambayo sasa yanazileta pamoja kambi mbili zinazopingana ndani ya chama tawala cha Vuguvugu la Ukombozi wa Sudan Kusini (SPLM).

Akizungumza baada ya kusainiwa kwa makubaliano hayo, Waziri wa Mambo ya Nje wa Tanzania, Benard Membe, aliupongeza "uongozi wa SPLM kwa kufikia makubaliano ya kukiunganisha tena chama chao kwa maslahi ya Sudan Kusini."

Mazungumzo hayo yalikuwa chini ya usimamizi wa Rais Jakaya Kikwete wa Tanzania, huku viongozi kadhaa wa mataifa jirani wakihudhuria kuhakikisha kuwa mahasimu hao wawili wanasaini makubaliano hayo.

Hadi sasa, hakuna taarifa za vipengele vya makubaliano hayo zilizotolewa, lakini makundi hasimu yanayowania udhibiti wa siasa za nchi hiyo yenye utajiri wa mafuta yameyavunja makubaliano ya kusitisha mapigano mara tano ndani ya kipindi cha mwaka mmoja uliopita.

IGAD yaendeleza juhudi za mapatano

 Mkutano wa upatanishi chini ya IGAD mwezi Novemba 2014 mjini Addis Ababa, Ethiopia.

Mkutano wa upatanishi chini ya IGAD mwezi Novemba 2014 mjini Addis Ababa, Ethiopia.

Mazungumzo hayo nchini Tanzania yalikuwa sehemu ya juhudi za pamoja kusaka makubaliano zilizoanzishwa na Jumuiya ya Ushirikiano wa Maendeleo ya Nchi za Mashariki na Pembe ya Afrika (IGAD) kwenye mji mkuu wa Ethiopia, Addis Ababa.

Mazungumzo mengine ya IGAD yanatazamiwa kufanyika kandoni mwa mkutano wa kilele wa viongozi wa mataifa wanachama wa Umoja wa Afrika mjini Addis Ababa mwishoni mwa mwezi Januari.

Kwa mara ya kwanza, mapigano yalizuka kwenye taifa hilo jipya kabisa barani Afrika mwezi Disemba 2013, baada ya Kiir kumtuhumu makamu wake wa zamani, Machar, kutaka kumpindua. Baadaye yakageuka kuwa vita vya kikabila ndani ya SPLM na kuchochea mapigano ya kulipizana kisasi na mauaji nchi nzima yaliyopelekea vifo vya maelfu ya watu na kuirejesha nchi hiyo kwenye ukingo wa njaa na vita vya wenyewe kwa wenyewe.

Kiir na Machar walikutana kwa mara ya mwisho mwezi Novemba mjini humo, ambako walikubaliana kusitisha mara moja vita, lakini makubaliano hayo yalivunjwa masaa machache tu baadaye.

Mapigano makali yaliripotiwa mapema wikik hii kati ya jeshi la waasi kwenye jimbo la kati la Lakes na siku ya Jumanne, msemaji wa jeshi, Philip Aguer, alivilaumu vikosi vya Machar kwa kukiripua kinu cha kuzalishia mafuta kwenye jimbo la Unity.

Hakuna orodha rasmi ya vita iliyorikodiwa na serikali au waasi au Umoja wa Mataifa, lakini taasisi ya kushughulikia mizozo duniani, International Crisis Group, inakisia kuwa kiasi cha watu 50,000 wameshapoteza maisha hadi sasa.

Read more...

Maaskofu wamtaja Rais ajaye

 • Kard. Pengo aunda mfumo mpya utambuzi wa vigango

• Ulongoni sasa Parokia Padri Amadori Paroko wake

• Arudisha Historia ya Pugu kwa Mapadri Wabenediktini

• Apangua vituo vya kazi kwa Mapadri Jimbo Kuu Dar

Na John Liveti

WAKATI Watananzia wakiendelea kukuna vichwa juu ya Rais gani anayefaa kuwaongoza katika kipindi kingine cha miaka mitano ijayo kuelekea Uchaguzi Mkuu mwaka huu, Viongozi wa Kanisa Katoliki nchini wamekata mzizi wa fitina na kueleza kiongozi anayefaa kuiongoza Tanzania.

Aidha Viongozi hao wametoa angalisho kubwa kwa wananchi kuhusu taifa linapoelekea  kwenye uchaguzi huo likiwatahadharisha waamini kusali ili kulinusuru Taifa na kudumisha amani.

Kauli hiyo ya Maasofu hao imetolwa katika Ibada ya Misa Takatifu ya Sherehe ya Tokeo la Bwana iliyokwenda sanjari na utoaji wa Daraja za Upadri na Ushemasi iliyofanyika katika Kanisa Kuu la Mtakatifu Yosefu  Jimbo Kuu Katoliki la Dar es Salaam.

Kwa upande wake Askofu Msaidizi wa Jimbo hilo, Mhashamu Eusebius Nzigilwa  alisema kiongozi anayefaa kuliongoza Taifa la Tanzania nia mwenye hofu ya Mungu na mwadilifu.

Alisema mambo mengi yanayotokea nchini ikiwemo vitendo vya ufisadi yanatokana na kutowepo kwa viongozi waadilifu na kwamba chanzo kikuu cha uvunjifu wa amani  nchini kimetona viongzo wasipotenda haki na kutumia madaraka kwa ajili ya maslahi yao binafsi jambo ambalo halifai kwa viongozi waliopewa madaraka kuongoza nchi.

Kwa mujibu wa Askofu Nzigilwa katika Historia ya Kanisa ilionekana kuwa wakati wa kuzaliwa kwake Bwana Yesu Kristo watawala wa wakati huo walikuwa hawakukubali  kuwa Kristo aliyezaliwa ni mfalme kutokana na hila ya watawala hao na chuki na ndio maana Herode alipopata  taarifa ya kuzaliwa kwake Kristo alifadhaika na kuamuru  wale wataaalmu wa Nyota wamletee taarifa kuwa huyo aliyezaliwa aanafananaje  ili yeye aweze kufahamu lakini kutokana na ufikiri wake ulikuwa umegawanyika katika sehemu mbili  katika utawala kisiasa na utawala kiuflme hakuweza kufanikiwa hivyo aliweza kuamuru  mauaji  ya watoto wa kiume walio chini ya miaka miwili kuuawa  lakini lego lake halikufanikisha kuuawa kwa Yesu Kristo.

“Hali hiyo iliyoonekana kuwa kuna chuki za kidini katika jamiii na ilizua taharuki kubwa tunaiona hadi leo kuwepo kwa chuki baina  ya dini moja na nyingine  hiyo yote ni hali ya viongozi na wenye mamlaka  kujichukulia maaamuzi bila ya kutafakari kwa kina”,alisema Askofu Nzigilwa.

Askofu Nzigilwa alisema katika kutafakari kwa kina sakata hilo la hila za Herodi ni lazima kutafakari kwa kina zaidi na zaidi  kwa kila Mtanzania katika kipindi cha mwaka huu ambapo taifa linapoelekea katika Uchaguzi Mkuu kwani  hila kama za Herodi zipo kwa viongozi wengi  wa taifa letu ambao hawastahili kuchaguliwa.

Alisema wapo ambao wanatumia nguvu za fedha kwa ajili ya kuwaangamiza wengine  ili waweze kumiliki madaraka pasipo kustahili jambao ambalo linaleta ukakasi kwa wananchi na hata wakati mwingine kutishia machafuko katika jamii kutokana na utawala wa pesa.

“Ni jambo kwa kila mwanasiaasa ana watawala kujiuliza  kama kweli wanatenda haki wanayopaswa kuitenda pasipo kumgandamizi raia yoyote kwa kutumia pesa au madaraka”,alisema Askofu Nzigilwa.

Alisema kuwa awali Mfalme Herodi alifahamu kuwa Kristo alizaliwa kwa ajili ya mpango wa Mungu wa kuwakomboa binadamu na ndio maana alizaliwa katika mazingira Duni  ambayo alishuhudiwa na watu duni wenye dhiki  ambao daima hukesha huko mabondeni kwa ajili ya kulinda mifugo yao.

Askofu Nzigilwa alisema inatupwa kila kiongozi kufikiri kwa umakini juu ya utawala  wake katika sehemu yake kama anaongoza kwa  maslahi yake au ya wengi na sio kufuata nyayo za Mfale Herode.

Alibainisha kuwa hali hiyo imejitokeza haya kwa viongozi wa sasa ambao wanadiriki kuwaaangamiza wengine bila ya hatia ikiwemo kuwatupa gerezani bila kosa lolote kwani Mungu alimuumba mwanadamu akiwa na mpango naye na wala si kumgandamiza.

Akizungumza juu uongozi wa kisiasa Askofu Nzigilwa alisema kuwa  kwana namna nyinginne watawala wa wakati ule walifikiri pia kuzaliwa kwe Kristo kutaweza kuwasaidia kufanikiwa kiuchumi  katika kupandisha thamani ya Dola kwa wakati ule kwani Kristo alizaliwa katika Betrehemu ya Uyahudi wakidhani ataimarisha utawala wa kiyahududi kuwa na nguvu ya kiuchumi zidi ya nchi za Isarael ambazo zilikuwa na nguvu ya kiuchumi jambo lililokwenda kinyume na matarajio yao.

Askofu Nzigilwa alifahamisha kuwa ni vema jamii ikajengwa na hofu ya Mungu hasa katika madaraka  na kuacha kutumia njia haramu za kujipatia madaraka  kama vile rushwa  na wizi wa kura ambao unajitokeza mara nyingi katika chaguzi mbalimbali zinazofanyika nchini kwani hali hiyo inaweza kuleta machafuko  na kumwaga damu.

Askofu Nzigilwa alisema kazi kubwa kwa viongozi wa Kanisa ni kusisitiza kusali kwa ajili ya kuombea amani ya taifa jambo linalotakiwa kufanywa na kila mwaamini hasa katika kipindi Taifa linapoekekea kwenye Uchaguzi Mkuu wa Rais, Wabunge na Madiwani.

Aidha Askofu Nzigilwa alitakwa Waamini wanotaka kugombea nafsi mbalimbali za uongozi katika  ngazi  mbalimbali ikiwemo Urais, Ubunge na Udiwani kujitokeza na kuchukua fomu ila wawe waangalifu wasifuate nyayo za Mfalme Herode na wala wasiwe watu wa kugandamiaza na kuwaaangamiza wengine.

 

KARDINALI PENGO ATANGAZA MFUMO MPYA WA VIGANGO

Aidha uwa upande wake Askofu Mkuu wa wa Jimbo Kuu la Dar es Salaam Mwadhama Polycarp Kardinali Pengo akizungumza wakati wa Misa hiyo ya daraja la Upadri na Ushemasi alitangaza mabadiliko na kuwapangia kazi Mashemasi na Mapadri na kukitangaza Kigango cha Ulongoni kuwa Parokia mpya  ya 86 ya jimbo hilo.  

Kardinali Pengo alitangaza pia mfumo mpya wa utambuzi wa Vigango ambapo katika kuanza mfumo huo amevitangza vigango vitatu vya jimbo hilo kuwa Parokia Teule huku kurudisha Historia ya Pugu amewarudishia wamisionari wa Shirika la Wabenedictini  kuendea na utume katika Parokia hiyo na Kituo cha Hija.

Pamja na hayo Kardinali Pengo amefanya mabadiliko madogo baada ya kuhamishia katika Parokia ya Pugu Padri Melkiol Kayombo  kuwa Paroko wa Pugu na Padri Leonardo Amadore kuwa Paroko wa Parokia ya  Ulongoni.

 

AVIPANDISHA HADHI VIGANGO VITATU

Katika kuanza kuutumia mfumo huo mpya wa Kigango ili kiweze kuwa Parokia lazima kipitia ngazi ya Parokia Teule, Kardinali Pengo alikitangza Kigango cha Ununio  kilchopo Parokia ya Boko kuwa Parokia Teule na kitakuwa chini ya Mapadri wa Shirika la Watawa wa Matkatifu Vicenti kutoka Jimbo Katoliki la Mbinga.

Vigango vingine ni pamoja na Kigango cha Mtakatifu Yohane Mtumme ambacho awali kilifahamika kama Mtakatifu Petro kuwa Parokia Teule kikiwa chini ya Wamisionari wa Shirika la Maria  Imakulata na Kigango cha Thomas More kuwa Parokia Teule  kikiwa chini Mapadri wa Jimbo chini ya Padri Girlbert Makuru.

Kardinali Pengo alisema  Mapadri waliopangiwa  katika vigango hivyo wanatakiwa kuhakikisha wanafanya kazi kwa juhudi ili ifikapo Julai mwaka huu vitangazwe kuwa Parokia kamili.

Kardinal Pengo aliwashukuru waamini kwa moyo wao wa upendo hasa kwa kuwatoa vijana wao kuingia katka miito mitakatifu na kumtaka Padri Joseph Mapunda  kwenda katika kituo chake cha kazi alichopangiwa hapo awali ili kutekeleza kazi ya utume katika Kanisa la Jimbo Kuu la Dar es Salaam kwani Padri Joseph Mapunda  ni Paroko wa Parokia ya Kibangu nafasi alipangiwa tangu Julai 7, mwaka jana.

Awali Askofu  Msaidizi wa jimbo hilo, Mhashamu Titus Mdoe akitoa humilia yake kwenye Ibada ya Masifu ya jioni aliwaasa walipewa daraja Takarifu ya Ushemasi, Shemasi Mmoja alipewa Daraja Takatifu ya Upadri kuhakikisha wanakiishi kiapo cha useja kwani ni  muhimu sana kwa Yule anaingia katika maisha ya ukasisi kwa sababu Kasisi kujitoa sadaka  na sadaka yenyewe ndiyo hiyo ya kuacha yote na kumfuasa Kristo na kutenda kazi yake.

Aidha Askofu Mdoe aliwataka waamii kutofikiri vibaya kuwa wana mapungufu bali hiyo ni sadaka  na katika kufanya kazi wasiwe watu wa majivuno  wala kufanya kazi kwa sifa bali watende kwa sifa na utukufu wa Mwenyezi Mungu.

Askofu Mdoe alisema ni vema watumishi hao wa Mungu wakaacha ubinafsi na kutokuwa na tabia ya majigambo kwa kuzitumia akili zao na usomi walioupata kueneza Neno la Mungu.

Waliopata Daraja  ya Ushemasi ni Shemasi Raymond Mbaula wa Parokia ya Kigamboni  ambaye kwa sasa amepangiwa kufanya kazi katika Parokia ya Ikwiriri, Shemasi Meinrad BigirwaMungu ambaye amepangiwa kufanya kazi ya kichungaji katika Nyumba ya Askofu Msaidizi Masaki na Parokia ya Mtakatifu Petro Oyesterbay na Shemasi Dainiel  Matungwa anayekwenda kufanya kazi ya uchungaji Parokia ya  Roho Mtakatifu Kitunda.

Na aliyepewa Daraja  takatifu ya  Upadri Padri Tito Rwegoshora  amepangaiwa kufanya kazi ya kichungaji katika Parokia ya  Ukonga akiwa ni wakili Paroko wa Parokia hiyo, Padri Asisi Mendosa aliyekuwa masomoni Roma amepangiwa kufanya utume kwenye Parokia ya Mtakatifu Yosefu kama Paroko Msaidizi na kumfamisha Padri Ladislaus Kapinga aliyekuwa Paroko Msaidizi Parokia ya Mt. Yosefu na kuwa Paroko Msaidizi kwenye Parokia ya Mtakatifu Martha Mikocheni.

Aidha Kardinali Pengo amempangia Padri Theophil kutoka Jimbo Kuu Katoliki la Kinshasa katika Jamhuri ya Kidemokrasia ya Kongo (DRC}, kuwa Paroko Msaidizi wa Parokia ya Mtakatifu Yosefu na kufanya Parokia hiyo kuwa na Maparoko wasaidizi wawili.

 

 

Read more...
Tumaini Media

Radio-TV Tumaini, also trading as Tumaini Media, is legally registered in Tanzania under the Business Registration and Licensing Agency (Brela), No 116952. It is a registered Tax payer with TIN 100-251-094 and VRN 10-012753-P. Tumaini Media runs radio and TV stations, and a newspaper namely Radio Tumaini, Tumaini Television and Tumaini Letu, respectively. Tumaini Media seeks to serve the Tanzania community regardless of their colour. race. religion and tribe.

  Jesus is the Patron of our Station

We Now Covering 7 Regions

Coverage has been expanded to include seven out of 21 regions of Tanzania, thus: Tanga, Pwani, Morogoro, Zanzibar, Dar es Salaam and some areas of Dodoma, Kilimanjaro, Iringa and Mbeya Regions.