Menu
RSS
Tanzania

Tanzania yawa na fanikio katika kuokoa vifo vya watoto

DAR ES SALAAM

Wakati maadhimisho ya Siku ya Mtoto Duniani yakifanyika Novemba 20,2017 imeelezwa kuwa, katika miaka ya hivi karibuni, Tanzania imepata mafanikio makubwa katika ulinzi, makuzi na maendeleo ya mtoto.

Mwakilishi wa Shirika la Umoja wa Mataifa la Kuhudumia Watoto-UNICEF, nchini Tanzania, MANIZA ZAMAN, amesema, mafanikio hayo ni pamoja na kupungua kwa kiasi kikubwa kwa vifo vya watoto, wenye umri chini ya miaka mitano {5}.  

MANIZA ametaja mafanikio mengine kwa Tanzania ambayo asilimia hamsini {50% ya watu wake wana umri wa chini ya miaka 18, ni kuongezeka kwa huduma ya chanjo kufikia asilimia 75 na kupungua udumavu kwa asilimia thelathini na nne {34%}.

Licha ya mafanikio hayo yote, MANIZA amesema, zipo changamoto pia ikiwemo uwiano usio sawa wa maendeleo hayo kati ya watoto wanaoishi maeneo ya mijini na vijijini.

Kwa mujibu wa utafiti uliofanywa na UNICEF, watoto zaidi ya milioni mia moja themanini {180 m.}, katika nchi thelathini na saba {37} duniani, wako katika hatari ya kuishi katika umaskini uliokithiri, kukosa masomo na kuuawa kikatili, ikilinganishwa na miaka 20 iliyopita.

Nchi hizo thelathini na saba {37} ni pamoja Benin, Bolivia, Cameroon, Jamhuri ya Afrika ya Kati, Comoro, Côte d'Ivoire, Djibouti, Equatorial Guinea, Eritrea, Guatemala, Guyana, Guinea-Bissau, Jordan, Iraq, Kiribati, Lebanon, Liberia, Libya, Madagascar, Mali, Visiwa vya Marshall, Micronesia, Palau, Paraguay, Jamhuri ya Moldova, Romania, Saint Kitts and Nevis, Visiwa vya Solomon, Sudan Kusini, Syria, Tonga, Tanzania, Ukraine, Vanuatu. Yemen, Zambia na Zimbabwe.  

***

Martin Kuhanga {Tamko WAMJJWW}

Read more...

Tanzania yawa na fanikio katika kuokoa vifo vya watoto

DAR ES SALAAM

Wakati maadhimisho ya Siku ya Mtoto Duniani yakifanyika Novemba 20,2017 imeelezwa kuwa, katika miaka ya hivi karibuni, Tanzania imepata mafanikio makubwa katika ulinzi, makuzi na maendeleo ya mtoto.

Mwakilishi wa Shirika la Umoja wa Mataifa la Kuhudumia Watoto-UNICEF, nchini Tanzania, MANIZA ZAMAN, amesema, mafanikio hayo ni pamoja na kupungua kwa kiasi kikubwa kwa vifo vya watoto, wenye umri chini ya miaka mitano {5}.  

MANIZA ametaja mafanikio mengine kwa Tanzania ambayo asilimia hamsini {50% ya watu wake wana umri wa chini ya miaka 18, ni kuongezeka kwa huduma ya chanjo kufikia asilimia 75 na kupungua udumavu kwa asilimia thelathini na nne {34%}.

Licha ya mafanikio hayo yote, MANIZA amesema, zipo changamoto pia ikiwemo uwiano usio sawa wa maendeleo hayo kati ya watoto wanaoishi maeneo ya mijini na vijijini.

Kwa mujibu wa utafiti uliofanywa na UNICEF, watoto zaidi ya milioni mia moja themanini {180 m.}, katika nchi thelathini na saba {37} duniani, wako katika hatari ya kuishi katika umaskini uliokithiri, kukosa masomo na kuuawa kikatili, ikilinganishwa na miaka 20 iliyopita.

Nchi hizo thelathini na saba {37} ni pamoja Benin, Bolivia, Cameroon, Jamhuri ya Afrika ya Kati, Comoro, Côte d'Ivoire, Djibouti, Equatorial Guinea, Eritrea, Guatemala, Guyana, Guinea-Bissau, Jordan, Iraq, Kiribati, Lebanon, Liberia, Libya, Madagascar, Mali, Visiwa vya Marshall, Micronesia, Palau, Paraguay, Jamhuri ya Moldova, Romania, Saint Kitts and Nevis, Visiwa vya Solomon, Sudan Kusini, Syria, Tonga, Tanzania, Ukraine, Vanuatu. Yemen, Zambia na Zimbabwe.  

***

Martin Kuhanga {Tamko WAMJJWW}

Read more...

Uzo la mara moja la TBL kwa Submiller la sababisha kupungua kwa soko la hisa Dar es salaam DSE Tanzania

DAR ES SALAAM

Imeelezwa kuwa uzo la mara moja la hisa za Kampuni ya TBL kwa kampuni tanzu ya SABMiller, limesababisha thamani ya mauzo ya hisa katika Soko la Hisa la Dar es Salaam-DSE kupungua.

Akizungumza jijini Dar es Salaam, Afisa Mwandamizi Masoko wa DSE, MARY KINABO, amesema, uzo hilo limepungua kutoka Shilingi Billioni 86 ya wiki iliyopita hadi Shilingi Bilioni 1 kwa wiki iliyoishia Ijumaa, Novemba 17.

KINABO amesema, juma lililopita thamani ya mauzo hayo ilipanda kwa kiwango kikubwa kutokana na mauzo hayo ya hisa za TBL kwenda SABLiller.

Aidha, KINABO, amesema, vile vile idadi ya hisa zilizouzwa na kununuliwa zimepungua kutoka hisa milioni 9 ya wiki iliyopita hadi hisa milioni tano, nukta tano {5.5m} ya wiki iliyoishia Ijumaa, Novemba 17.

KINABO amesema, ukubwa wa mtaji wa kampuni zote zilizoorodheshwa katika soko umepungua kwa Shilingi Bilioni 412 kutoka Shilingi Trilioni ishirini, nukta nane {20.8t} wiki iliyopita hadi Shilingi Trilioni ishirini, nukta tatu {20.3} wiki iliyoishia iliyoishia Ijumaa, Novemba 17. 

Amesema, punguzo hilo limetokana na kushuka kwa bei za hisa za KA kwa 8%, DSE kwa 7%, KCB kwa 6%, CRDB kwa 6%, NMG kwa 5% na EABL kwa 4%.

KINABO amesema, ukubwa wa mtaji wa kampuni za ndani umeshuka kwa Shilingi Bilioni 28 kutoka shilingi Trilioni kumi, nukta sifuri nane {10.08%} hadi kafika Shilingi Trilioni kumi, nukta sifuri, tano {10.05%}, iliyoishia Ijumaa, Novemba 17, kutokana na kushuka kwa bei ya hisa ya DSE kwa 7%) na CRDB kwa 6%.

Kuhusu mauzo ya hati fungani katika wiki iliyoishia Novemba 17 2017, KIBABO amesema, yalikuwa Shilingi Bilioni tatu, nukta moja, nne {3.14bil} kutoka Shilingi Bilioni kumi na moja, nukta mbili {11.2} wiki iliyopita.

 

Editha Mayemba & Brian Rama-DSJ

Read more...

Jubilee miaka 50 karismatic katoliki kuadhimishwa Pentekoste Roma

ROMA

Kilele cha maadhimisho ya Jubilei ya miaka 50 tangu kuanzishwa kwa Karismatiki Katoliki Duniani kinatarajiwa kufanyika katika Sikukuu ya Pentekoste Dominika hii, katika Jimbo Kuu Katoliki la Roma.

Mtandao wa Vatican umeeleza kuwa adhimisho hilo litatanguliwa na mkesha wa Pentekoste siku ya Jumamosi utakaohudhuriwa na Baba Mtakatifu FRANSISKO, kwenye Uwanja wa Circo Massimo Mjini Roma.

Taarifa hiyo imebainisha kuwa Baba Mtakatifu anatarajia kuadhimisha kilele hicho na Dominika ya Pentekekoste kwenye Uwanja wa Kanisa kuu la Mtakatifu PETRO, Vatican kuanzia saa 4:30 kwa saa za Ulaya.

Chama hicho cha Kitume nchini Italia pia kinaadhimisha kumbukumbu ya miaka 40 tangu kuanzishwa kwake jambo ambalo limepewa uzito na makao makuu ya Vatican.

Kwa kutambua uzito wa tukio hilo katika maisha na utume wa Kanisa, Katibu mkuu wa Vatican Mwadhama PIETRO Kardinali PAROLIN, amemtumia ujumbe wa heri na baraka Rais wa Karismatiki Italia Daktari SALVATORE MARTINEZ.

Maadhimisho ya Jubiliei ya miaka 50 tangu kuanzishwa kwa Chama hicho ni wakati wa kumshukuru Roho Mtakatifu kwa neema nyingi alizolijalia Kanisa na fursa ya kusikiliza shuhuda za wanachama na changamoto walizokabalina nazo kwa kipindi hicho cha Jubilei ya dhahabu.

Utume wa Karismatiki Katoliki ni matunda ya Mtaguso mkuu wa Pili wa Vatican na tayari wajumbe kutoka ndani na nje ya Italia wameanza kuwasili tayari kushiriki katika semina, makongamano na sala katika makanisa mbali mbali hapa Roma.

***

 

Gaudence Hyera

Read more...

Waleeni watoto katika njia impendezayo Mungu.


 

MOROGORO

Askofu wa Kanisa la Kiinjili la Kilutheri Tanzani(KKKT) Dayosisi ya Morogoro JACOB OLE MAMEO amewataka wazazi na walezi kuwalea watoto kwa kuzingatia misingi ya maadili mema.

Ametoa rai hiyo kwenye maadhimisho ya miaka miwili ya kuwa jimbo kamili ya Kanisa la Moravian Tanzania na kuwahimiza wazazi na walei kutekeleza wajibu wao ili kujenga taifa la watu waadilifu na waaminifu.

Kwa upande wake Mwenyekiti wa Halmashauru Kuu ya Kanisa hilo Mchungaji SAMWELI MWAISEJE amewatahadharisha Madereva wa vyombo vya moto kuzingatia sheria na kanuni za usalama barabarani.

Amekumbusha na kutoa angalizo hilo ili Madereva waweze kukabiliana na matukio ya ajali yanayoendelea kujitokeza na kupoteza maisha ya watu hasa katika kipindi hiki cha mvua zinazoendelea kunyesha.

Mchungaji MWAISEJE amesema Kanisa limesikitishwa na tukio la ajali iliyotokea wilayani Karatu mkoani Arusha na kusababisha vifo vya  wanafunzi 33 wa shule ya Lucky Vincent, walimu 2 na dereva wao.

Ameongeza kuwa matukio hayo ya ajali yanawezesha kudhibitiwa iwapo watumiaji wa vyombo hivyo watazingatia sheria za usalama barabarani.

Aidha Mchungaji MWAISEJE ameipongeza Serikali kwa jitihada za kuendelea kudhibiti mianya ya udanganyifu wa vyeti yaani vyeti feki kwa watumishi wa umma.

***

Merina Robert

Read more...

Mahujaji 36 wakatoliki Tanzania waondoka ureno kushiriki miaka 100 ya Bikira Maria wa Fatima

DAR ES SALAAM.

        Mahujaji thelathini na Sita kutoka Jimbo kuu Katoliki la Dar es Salaam waondoka  leo Mey 9,2016 kwenda Fatima nchini Ureno kwa ajili ya kushiriki Jubilei ya Miaka Moja ya Tokeo la Bikira MARIA.

Kwa mujibu wa Taarifa iliyotolewa na Mkurugenzi wa Idara ya Uchungaji Jimboni humo Padri-Daktari JOSEPH MATUMAINI, Safari hiyo inatarajiwa kuanzia Usiku wa kuamkia Jumatano.

Amesema Mahujaji wote leo wamefanya Tafakari ya mafungo yaliyoongozwa na Katibu wa Jimbo hilo Padri AIDAN MUBEZI katika Ukumbi wa Kanisa kuu la Mtakatifu YOSEFU,Jimboni humo.

Padri MATUMAINI amebainisha kuwa miongoni mwa Mahujaji hao wamo Mapadri wanne, Watawa watatu na Waamini Walei Ishirini na tisa ambao watasafiri kwa pamoja.

Ameongeza kuwa wakiwa Ureno watatembelea Madhabahu ambayo Mama Bikira Maria aliwatokea watoto wa Familia moja Mwenyeheri Sista LUSIA na Watakatifu watarajiwa FRANSISKO na YASINTA.

Padri MATUMAINI ambaye pia ni Paroko wa Kanisa Kuu la Mtakatifu YOSEFU amesema Jumamosi hii mahujaji hao watashiriki adhimisho la kilele cha hija hiyo pamoja na Baba Mtakatifu FRANSISCO.

Mahujaji hao wote wanatarajia kuanza safari ya kurejea nyumbani Jumanne ijayo Mei 16.

***

Gaudence Hyera

 

Read more...

Askofu apigwa na butwaa waamini kuendelea na shughuli zao Dominika

DAR ES SALAAM

Askofu Msaidizi wa Jimbo Kuu Katoliki la Dar Es Salaam Mhashamu EUSEBIUS NZIGILWA amewashangaa waamini wanaoacha Kusali Ibada ya Dominika na kwenda kwenye shughuli nyingine za Kijamii.

Ameonyesha mshangao huo alipokuwa akitoa Mahubiri yake kwenye adhimisho la Misa Takatifu Dominika ya jana iliyofanyika katika Parokia ya Bikira MARIA wa Mateso Msakuzi, Jimboni humo.

Askofu NZIGILWA amewahimiza waamini kumtafuta Mungu badala ya kukimbilia kutafuta mahitaji mengine ya kidunia ambayo yeye anao uweza wa kuwapatia maradufu ikiwa watamtumainia kwa imani.

Katika adhimisho hilo ambalo Askofu NZIGILWA ametoa Sakramenti ya Kipaimara kwa vijana sabini na nane wa Parokia hiyo, amewataka waamini kutambua kuwa wakimkosa KRISTO wajue wamekosa yote.

Amewahimiza vijana waimarishwa kuwa watu wa Sala na kumtegemea KRISTO Mchungaji mwema na kumuomba awe mlinzi katika nyumba wanamoishi kinyume chake watakuwa kama wanaishi Maporini.

Sanjari na adhimisho hilo pia Askofu NZIGILWA amebariki na kuizindua nyumba mpya ya Mapadri iliyojengwa kwa nguvu ya michango ya hali na mali ya waamini wa Parokia hiyo.

Amewapongeza Waamini wote kwa ujumla kwa kufanikisha ujenzi wa nyumba hiyo kwa ajili ya wachungaji wao iliyogharimu zaidi ya shilingi Milioni Mia Tatu Arobaini.

Askofu NZIGILWA aliongoza Harambee ya kuchangia Ujenzi wa Kanisa ambapo zaidi ya shilingi Milioni 13 ikiwa ni ahadi pamoja na Fedha Taslimu zilipatikana.

Kwa upande wake Mkuu wa Shirika la Wamisionari Warosmini Afrika Mashariki Padri ENHART MPETE ameahidi kuongeza idadi ya Mapadri wanaofanyakazi Parokiani hapo ili kuimarisha Uinjilishaji.

***

Editha Mayemba/Gaudence Hyera

Read more...

Shirika la Wasalvatorian lapata viongozi wapya

Na Lawrence Kessy, RCT

SHIRIKA la Mungu Mwokozi (Wasalvatoriani) Provinsi ya Tanzania, limefanya Mkutano wake Mkuu na kuwachagua viongozi wake wapya watakaoliongoza shirika hilo kwa kipindi cha maka mitatu ijayo.

Mkutano huo ulifanyika hivi  karibuni katika Prokura yao iliyopo Kurasini, Jimbo Kuu Katoliki la Dar es Salaam na kufanikisha kupatikana kwa viongozi hao.

Mkutano huo ulitanguliwa na semina ya Kiroho iliyoongozwa na Abate Mstaafu wa Abasia ya Hanga, Abate Aqulini Nyirenda, O.S.B ambaye kwa sasa anafanya utume wake mjini Roma, Italia.

Katika Mkutano huo kwa kauli moja wanashirika walimchagua Padri Ponder Paulinus Ngilangwa, SDS kuwa Mkuu wa Shirika akichukua nafasi iliyoachwa wazi na Padri Africanus Lokilo, SDS aliyemaliza muda wake wa vipindi viwili mfululizo kuliongoza Shirika la Wasalvatoriani Tanzania.

Padri Ngilangwa, kabla ya uteuzi huo, alikuwa anasaidia malezi kwa waseminari, katika nyumba ya malezi ya Shirika Jimbo Katoliki la Morogoro, ambapo katika uongozi wake atashirikiana na washauri wengine wanne ambao ni Padri, Lazarus Vitalis Msimbe, SDS, kama Makamo Mkuu wa Shirika, Padri Eugene Reslinski, SDS, Padri Ayub Mwang’onda, SDS na Bruda Sylvester Chimoto, SDS, ambaye pia ni Mtunza hazina wa Shirika, waliochaguliwa katika mkutano huo.

“Nawashukuru wajumbe wa Mkutano huo kwa imani  na heshima kubwa mlionipa na kuniionesha kwangu, hadi kunipa majukumu makubwa na mazito ya kuliongoza Shirika, hasa kwa kipindi hiki ambacho Shirika letu linakabiliwa  na changamoto nyingi, kama vile za kitume, kimalezi, kielimu na kadhalika,” alisema Padri Ngilangwa.

Alisema aliwataka wanashirika hao kumpa ushirikiano, kwani akishindwa au akifaulu wote watakuwa wamechangia na bila ushirikiano hataweza kufanya miujiza kuleta maendeleo ya Shirika, na hasa suala zima la kuongeza maeneo mengine ya kitume katika Majimbo mbalimbali nchini Tanzania.

Kwa mujibu wa Padri Ngilangwa, SDS, ni wakati sasa kwa wanachama wote, wa Shirika la Mungu Mwokozi, kuchapa kazi kwa bidii na maarifa popote pale walipo, na kuacha kusema maneno bila utendaji wowote ule kwa manufaa ya Shirika zima na kutaka kila mmoja aone kuwa ana majukumu yake na mchango wake katika Shirika.

“Uzuri nawajua wote hapa na majina yenu yapo na ninayo na ninyi ndio mlionichagua na nitaanza na ninyi kuwapangia majukumu. Nitashangaa sana kama nitampa yeyote kati yenu hapa majukumu alafu akataee wakati ninyi wenyewe ndio mlionichagua”, alisema Padri Ngilangwa, SDS.

Padri Ngilangwa ni mzaliwa Juni 3, mwaka 1977 katika Jimbo Katoliki la Njombe na alijiunga na Shirika la Mungu Mwokozi mwaka 2000, akafunga nadhiri za kitawa 07/12/2002, nadhiri za daima 01/01/2009, na daraja Takatifu la Upadritarehe  04/06/2010.

Naye Mkuu wa Shirika hilo duniani kutoka Roma, Padri Milton Zonta, SDS aliwashukuru Wanashirika wote wa Provinsi ya Tanzania, kwa juhudi zao za utume hapa Tanzania na hata wale walioko nje ya Tanzania, kwa kazi nzuri wanazozifanya, kwani ndio lengo na karama ya Mwanzilishi wa Shirika hilo, Padri Francis Maria wa Msalaba Jordan.

 “Ninawashukuru viongozi wote waliomaliza muda wao kwa vipindi viwili, kwa kazi nzuri waliyoifanya kuendeleza majukumu mbalimbali ya Shirika kwa kipindi chote, ingawa mlikutana na magumu na changamoto nyingi, hamkukata tama katika hilo. Mungu awabarikini wote”, alisema Padri Zonta, SDS.

Pia aliwashukuru na kuwapongeza viongozi wote waliochaguliwa, kwa kukubali kwao kuyapokea majukumu makubwa ya Shirika na si kwa Kanisa la Tanzania tu bali, kwa Kanisa lote ulimwenguni, na kuahidi kushirikiana nao, katika kustawisha maendeleo ya Shirika kwa ujumla.

Padri Zonta, SDS aliwatakia Wanashirika wote utume mwema na maisha mema ya jumuiya yenye juhudi, maarifa, na mafanikio tele, kwani wanashirika wengi bado ni vijana ukilinganisha na sehemu nyingine za Shirika kama Ulaya na Amerika. Na kumwomba Roho Mtakatifu awe nao katika utume wao wa kila siku zote.

Shirika la Mungu Mwokozi (Wasalvatoriani) kawa hapa Tanzania, Makao Makuu ya Shirika yako Masasi katika Jimbo Katoliki la Tunduru -Masasi, na wanafanya utume wao katika Jimbo hilo la Tunduru -Masasi, Jimbo Kuu Katoliki la Dar es Salaam na katika Jimbo Katoliki la Morogoro. 

Read more...

Migogoro ya ndoa inaweza kusuluhishwa kwa kuiga mfano wa Mt. yoseph

DAR ES SALAAM

Askofu Msaidizi wa Jimbo Kuu Katoliki Dar es Salaam Mhashamu EUSEBIUS NZIGILWA amewataka waamini kuinga mfano wa Mtakatifu YOSEFU katika kutatua migogoro ya familia, ndoa na mahusiano.

Amesema hayo wakati wa adhimisho la Misa Takatifu ya Somo wa Kigango cha Mtakatifu YOHANE wa Msalaba, Maramba Mawili iliyoadhimishwa Desemba 18,2016 Parokia ya Mtakatifu PETER CLAVER, Mbezi Luis, Jimboni humo, iliyokwenda sanjari na uzinduzi wa Nyumba wa Mapadri.

Askofu NZIGILWA amesema Mtakatifu YOSEFU alikuwa mtu safi na mcha Mungu na ndiyo maana aliweza kushughulikia mahusiano na Bikira MARIA kwa siri kwani hakutaka mtu anayempenda aumizwe.

Ameongeza kuwa Maandiko matakatifu yanaeleza jinsi Mtakatifu YOSEFU alivyoshughulikia mahusiano yake ya Uchumba na MARIA katika hali ya amani mara baada ya kugundua kwamba ana ujauzito.

Askofu NZIGILWA amewataka waamini hasa akina Baba kuomba Neema ya Mungu kupitia maombezi ya Mtakatifu YOSEFU pindi wanapotaka kushughulikia matatizo yao katika mahusiano, ndoa, kazi, na katika maisha yao ya kila siku.

Amewaasa watu wenye dhamira ya kuwaumiza wanaowakosea kuacha tabia hiyo na kuishi kama alivyoishi Mtakatifu YOSEFU na kwa kufanya hivyo watauona Utukufu wa Mungu katika maisha yao.

Kigango cha Maramba Mawili kinahudumiwa na Wamisionari wa Shirika la Wakarmeli tangu mwaka 2009 yaani Padri VIVIAN MENEZES, Padri IVAN MONTEIRO na Sasa Padri WILFRED PAIS.

***

Frida Manga/ Gaudence Hyera


Read more...

Chuo kikuu SAUT Tanzani kuimarisha umeme wa jua

 

MWANZA

Makamu Mkuu wa Chuo Kikuu cha Mtakatifu AGUSTINO-SAUT, Tanzania Padri Dakta THADEUS NKAMWA amesema Chuo hicho kinatarajia kuimarisha mradi wa Umeme wa jua na kuuza kwenye Gridi ya Taifa.

Amesema hayo mwishoni mwa juma wakati wa Mahafali ya 18 ya Chuo hicho alipokuwa akizungumzia namna Chuo hicho kinavyotumia sehemu ya mapato yake katika maendeleo ya jamii.

Padri NKAMWA amesema Chuo hicho kipo katika hatua za mwisho za kujenga mitambo itakayowezesha kuuza umeme huo ikiwa ni sehemu ya mpango wake wa kuongeza tija kwenye sekta ya nishati hapa nchini.

Amefafanua kuwa ujenzi wa mitambo hiyo itawezesha mradi huo kuzalisha umeme kuanzia megawati nne hadi kumi na itasimikwa katika maeneno ya Wilaya za Sengerema, Mkuranga, Tabora na Bukoba.

Padri NKAMWA amesema Tafiti za awali zimeshafanyika na sasa wapo katika hatua ya kuandaa mikataba na makubaliano na wadau na washirika mbalimbali ikiwemo Serikali.

Amewataja washirika wengine kuwa ni pamoja na Wakala wa umeme vijijini(REA), Mamlaka ya udhibiti na huduma za Nishati na Maji (EWURA) na Umoja wa Ulaya-EU ambao ndio wafadhili wa mradi huo.

Padri NKANWA amesema mradi huo kwa sasa unahudumia Kaya 80,000 katika Mji wa Ukara, Wilayani Ukerewe na umetoa ajira kwa wahitimu 30 kutoka Chuoni hapo.

Chuo Kikuu cha Mtakatifu AGUSTINO-SAUT chenye Makao yake makuu katika Jimbo Kuu Katoliki la Mwanza kipo chini ya Baraza la Maaskofu Katoliki Tanzania-TEC, kikiwa na matawi yake katika Majimbo mbalimbali ya Kanisa Katoliki hapa nchini.

***Gaudence Hyera

Read more...
Tumaini Media

Radio-TV Tumaini, also trading as Tumaini Media, is legally registered in Tanzania under the Business Registration and Licensing Agency (Brela), No 116952. It is a registered Tax payer with TIN 100-251-094 and VRN 10-012753-P. Tumaini Media runs radio and TV stations, and a newspaper namely Radio Tumaini, Tumaini Television and Tumaini Letu, respectively. Tumaini Media seeks to serve the Tanzania community regardless of their colour. race. religion and tribe.

  Jesus is the Patron of our Station

We Now Covering 7 Regions

Coverage has been expanded to include seven out of 21 regions of Tanzania, thus: Tanga, Pwani, Morogoro, Zanzibar, Dar es Salaam and some areas of Dodoma, Kilimanjaro, Iringa and Mbeya Regions.