Menu
RSS
Michezo

Matukio ya soka yaliyotikisa ndani ya miezi kumi Ulaya

YAPO matukio mengi makubwa ya michezo yaliyotokea ndani ya miezi kumi tu tangu kuanza kwa mwaka huu.

Hadi kufikia mwezi Oktoba mwaka huu tayari zaidi ya matukio 9 makubwa ya mchezo wa soka yametokea na ni matarajio kwamba hadi mwaka huu unamalizika tutauwa tumesikia na kuyashuhudia mengine mengi zaidi.

Fuatilia makala haya kuweza kujua yale tuliyoshuhudia kuanzia mwezi Januari hadi Oktoba.

BALLON D’OR

Tuzo ya mchezaji bora wa Dunia maarufu kama Ballon d’Or kwa mwaka 2016 ni moja kati ya matukio yaliyoukaribisha mwaka huu.

Tuzo hiyo ilitolewa Januari 11 pale Zurich Uswiss na wachezaji waliokuwa wanawania tuzo hiyo ni Messi, Ronaldo na Neymar ambapo hatimaye Ronaldo akatwaa tuzo hiyo.

TEKNOLOJIA YA GOLI NDANI YA UEFA

‘Goal Line Technology’, hii ni teknolojia mpya katika soka ambayo ilianza kutumika mwezi Agosti mwaka 2016, baada ya Shirikisho la soka barani Ulaya UEFA kukubali na kuanza kuitumia katika mashindano ya Ligi ya Mabingwa Ulaya.

Goal line technology ni teknolojia mpya ambayo humsaidia mwamuzi kufanya maamuzi sahihi kuhusu mpira kama umeingia golini ama la.

COPA AMERICA KUFIKISHA MIAKA 100, MESSI AJIUZULU

Mashindano ya Copa America yamefikisha miaka mia moja toka kuanzishwa kwake.

Michuano hiyo ilifanyika U.S.A kwa kushirikisha nchi 10 kutoka ukanda wa Conmebol na timu sita kutoka Concacaf ambapo Chile ilitwaa taji hilo baada ya kuichapa Argentina na kumfanya Lionel Messi atangaze kujiuzulu kuchezea timu ya taifa.

BURUDANI ZA EURO 2016

Kuanzia Juni hadi Julai mwaka huu mashindano ya soka ya Mataifa ya Ulaya (EURO 2016) yalianza kutimua vumbi barani Ulaya.

Hiyo ilikuwa ni michuano ya 15 kufanyika na kujumuisha jumla ya timu 24.

Miongoni mwa timu kubwa zilizoshiriki ni Ujerumani, Hispania, Ureno, Ubelgiji, Uingereza, Italia na mwenyeji Ufaransa.

Hatimaye Ureno ambayo ilionekana kama timu chovu tangu mwanzo wa michuano hiyo, ndiyo iliyotwaa taji hilo.

MOURINHO AENDA MANCHESTER UNITED

Hatimaye kocha Jose Mourinho alijiunga na Manchester United baada ya Disemba mwaka jana kutimuliwa na Chelsea kufuatia timu hiyo kuwa na mwenendo mbovu kuwahi kutokea.

Hakuna aliyedhani kama kocha huyo angejiunga na United, lakini hatimaye yakatimia na Mourinho akaanza maisha mapya Old Trafford.

CHELSEA YAPATA KOCHA

Baada ya kufukuzwa kwa Jose Mourinho katika klabu ya Chelsea na nafasi yake kuchukuliwa na kocha wa muda Guus Hiddink, wengi walikuwa na hamu ya kutaka kufahamu nani angekuwa kocha wa kudumu wa timu hiyo.

Makocha Antonio Conte na Diego Simeone walikuwa wanahusishwa kuwa katika mipango ya kuchukuliwa na Chelsea. Jibu la suala hilo lilipatikana baada ya kumalizika kwa msimu wa 2015/16 baada ya Antonie Conte kukabidhiwa mikoba ya timu hiyo.

GUARDIOLA ATUA MAN CITY

Habari nyingi katika mitandao ya soka barani Ulaya mwaka jana ziliwahi kumuandika kocha Pep Guardiola kuwa angejiunga na Manchester City mwezi Mei na kurithi nafasi ya Manuel Pellegrini baada ya msimu kumalizika.

Tetesi hizo hatimaye zilikuwa kweli ambapo kabla ya mwezi Mei mwaka huu, Guardiola alisaini mkataba wa kufundisha timu hiyo miaka mitatu.

MAAJABU YA UBINGWA WA EPL

Mwezi Mei mwaka huu tulishuhudia klabu ndogo ya Leicester City ikitwaa taji la Ligi Kuu ya Uingereza kwa msimu wa 2015/2016.

Leicester City ilitabiriwa ubingwa tangu Disemba mwaka jana, kwasababu siku zote Waingereza kuamini kwamba timu inayokuwa kileleni katika siku ya Disemba 25 ambayo ni sikukuu ya Ksismasi, ndiyo inakuwa bingwa mwishoni mwa msimu.

Kwea kutwaa taji hilo, Leicester iliwalaza vigogo Manchester City, Arsenal, Manchester United, Liverpool na Tottenham.

RAIS MPYA WA FIFA APATIKANA

Baada ya utawala wa miaka 18 wa Sepp Blatter katika nafasi ya Urais wa Shirikisho la Soka Duniani FIFA, mwezi Februari mwaka huu FIFA ilifanya uchaguzi wake na kumpata mrithi Blatter katika nafasi hiyo.

Gian Infantino ndiye aliyeibuka kuwa rais mpya wa FIFA akikalia kiti kilichoachwa na Blatter.

Blatter alitangaza kujiuzulu mwaka jana kabla ya Kamati ya Maadili ya FIFA kumfungia kutojihusisha na soka kwa kipindi cha miaka nane baada ya kubainika kufanya ubadhilifu wa fedha kwa kipindi chote alicholiongoza Shirikisho hilo.

This email address is being protected from spambots. You need JavaScript enabled to view it.

 

 

 

 

Read more...

Matukio ya soka yaliyotikisa ndani ya miezi kumi Ulaya

YAPO matukio mengi makubwa ya michezo yaliyotokea ndani ya miezi kumi tu tangu kuanza kwa mwaka huu.

Hadi kufikia mwezi Oktoba mwaka huu tayari zaidi ya matukio 9 makubwa ya mchezo wa soka yametokea na ni matarajio kwamba hadi mwaka huu unamalizika tutauwa tumesikia na kuyashuhudia mengine mengi zaidi.

Fuatilia makala haya kuweza kujua yale tuliyoshuhudia kuanzia mwezi Januari hadi Oktoba.

BALLON D’OR

Tuzo ya mchezaji bora wa Dunia maarufu kama Ballon d’Or kwa mwaka 2016 ni moja kati ya matukio yaliyoukaribisha mwaka huu.

Tuzo hiyo ilitolewa Januari 11 pale Zurich Uswiss na wachezaji waliokuwa wanawania tuzo hiyo ni Messi, Ronaldo na Neymar ambapo hatimaye Ronaldo akatwaa tuzo hiyo.

TEKNOLOJIA YA GOLI NDANI YA UEFA

‘Goal Line Technology’, hii ni teknolojia mpya katika soka ambayo ilianza kutumika mwezi Agosti mwaka 2016, baada ya Shirikisho la soka barani Ulaya UEFA kukubali na kuanza kuitumia katika mashindano ya Ligi ya Mabingwa Ulaya.

Goal line technology ni teknolojia mpya ambayo humsaidia mwamuzi kufanya maamuzi sahihi kuhusu mpira kama umeingia golini ama la.

COPA AMERICA KUFIKISHA MIAKA 100, MESSI AJIUZULU

Mashindano ya Copa America yamefikisha miaka mia moja toka kuanzishwa kwake.

Michuano hiyo ilifanyika U.S.A kwa kushirikisha nchi 10 kutoka ukanda wa Conmebol na timu sita kutoka Concacaf ambapo Chile ilitwaa taji hilo baada ya kuichapa Argentina na kumfanya Lionel Messi atangaze kujiuzulu kuchezea timu ya taifa.

BURUDANI ZA EURO 2016

Kuanzia Juni hadi Julai mwaka huu mashindano ya soka ya Mataifa ya Ulaya (EURO 2016) yalianza kutimua vumbi barani Ulaya.

Hiyo ilikuwa ni michuano ya 15 kufanyika na kujumuisha jumla ya timu 24.

Miongoni mwa timu kubwa zilizoshiriki ni Ujerumani, Hispania, Ureno, Ubelgiji, Uingereza, Italia na mwenyeji Ufaransa.

Hatimaye Ureno ambayo ilionekana kama timu chovu tangu mwanzo wa michuano hiyo, ndiyo iliyotwaa taji hilo.

MOURINHO AENDA MANCHESTER UNITED

Hatimaye kocha Jose Mourinho alijiunga na Manchester United baada ya Disemba mwaka jana kutimuliwa na Chelsea kufuatia timu hiyo kuwa na mwenendo mbovu kuwahi kutokea.

Hakuna aliyedhani kama kocha huyo angejiunga na United, lakini hatimaye yakatimia na Mourinho akaanza maisha mapya Old Trafford.

CHELSEA YAPATA KOCHA

Baada ya kufukuzwa kwa Jose Mourinho katika klabu ya Chelsea na nafasi yake kuchukuliwa na kocha wa muda Guus Hiddink, wengi walikuwa na hamu ya kutaka kufahamu nani angekuwa kocha wa kudumu wa timu hiyo.

Makocha Antonio Conte na Diego Simeone walikuwa wanahusishwa kuwa katika mipango ya kuchukuliwa na Chelsea. Jibu la suala hilo lilipatikana baada ya kumalizika kwa msimu wa 2015/16 baada ya Antonie Conte kukabidhiwa mikoba ya timu hiyo.

GUARDIOLA ATUA MAN CITY

Habari nyingi katika mitandao ya soka barani Ulaya mwaka jana ziliwahi kumuandika kocha Pep Guardiola kuwa angejiunga na Manchester City mwezi Mei na kurithi nafasi ya Manuel Pellegrini baada ya msimu kumalizika.

Tetesi hizo hatimaye zilikuwa kweli ambapo kabla ya mwezi Mei mwaka huu, Guardiola alisaini mkataba wa kufundisha timu hiyo miaka mitatu.

MAAJABU YA UBINGWA WA EPL

Mwezi Mei mwaka huu tulishuhudia klabu ndogo ya Leicester City ikitwaa taji la Ligi Kuu ya Uingereza kwa msimu wa 2015/2016.

Leicester City ilitabiriwa ubingwa tangu Disemba mwaka jana, kwasababu siku zote Waingereza kuamini kwamba timu inayokuwa kileleni katika siku ya Disemba 25 ambayo ni sikukuu ya Ksismasi, ndiyo inakuwa bingwa mwishoni mwa msimu.

Kwea kutwaa taji hilo, Leicester iliwalaza vigogo Manchester City, Arsenal, Manchester United, Liverpool na Tottenham.

RAIS MPYA WA FIFA APATIKANA

Baada ya utawala wa miaka 18 wa Sepp Blatter katika nafasi ya Urais wa Shirikisho la Soka Duniani FIFA, mwezi Februari mwaka huu FIFA ilifanya uchaguzi wake na kumpata mrithi Blatter katika nafasi hiyo.

Gian Infantino ndiye aliyeibuka kuwa rais mpya wa FIFA akikalia kiti kilichoachwa na Blatter.

Blatter alitangaza kujiuzulu mwaka jana kabla ya Kamati ya Maadili ya FIFA kumfungia kutojihusisha na soka kwa kipindi cha miaka nane baada ya kubainika kufanya ubadhilifu wa fedha kwa kipindi chote alicholiongoza Shirikisho hilo.

This email address is being protected from spambots. You need JavaScript enabled to view it.

 

 

 

 

Read more...

Viwanja 10 vinavyoongoza kwa ubora Afrika

 

AFRIKA ina viwanja vingi vya mpira wa miguu katika nchi mbalimbali isipokuwa vimezidiana thamani, ukubwa na ubora.

Vipo viwanja ambavyo vimejengwa kwa lengo pekee la kuhakikisha soka linachezwa na vingine vimeanzishwa kuhakikisha si soka linachezwa tu, bali uvutie watu wanaoingia kuutazama mchezo husika.

Vifuatavyo ni viwanja kumi vyenye ubora barani Afrika ambavyo vimejengwa kwa kiasi kikubwa cha pesa na kukidhi haja ya michuano mikubwa ya kimataifa hasa mpira wa miguu.

 

10 UWANJA WA TAIFA, TANZANIA

 

Uwanja wa Taifa ulijengwa kwa gharama ya dola milioni 53 ambapo nusu ya hela za ujenzi huo zilitolewa na Serikali ya China. Uwanja ulifunguliwa mwaka 2007 na una uwezo wa kuchukua mashabiki 60,000.

Kulingana na ubora wake, mwaka 2010 timu ya taifa ya Brazil ilishawishika kuja nchini kucheza mechi ya kirafiki dhidi ya Taifa Stars ambapo wenyeji walifungwa mabao 5-1.

 

9 STADE OLYMPIQUE DE RADES, TUNISIA

 

Stade Olympique de Radès ni uwanja uliopo nchini Tunisia katika mji wa Rades, uwezo wake wa kuchukua mashabiki ni sawa na uwanja wa Taifa Dar es Salaam, ila gharama yake inatajwa kufikia dola milioni 110. Ulijengwa mwaka 2001.

 

8 MBOMBELA STADIUM, A. KUSINI

 

Ni moja kati ya viwanja vilivyotumika katika fainali za michuano ya Kombe la Dunia 2010 nchini Afrika ya Kusini. Una thamani ya dola milioni 140 na una uwezo wa kuchukua mashabiki 40,929.

 

7 PETER MOKABA STADIUM, A. KUSINI

 

Ni uwanja ambao ulijengwa kwa ajili ya fainali za Kombe la Dunia 2010 nchini Afrika Kusini.Ulijengwa kwa dola milioni 150 na una uwezo wa kuchukua mashabiki 41,733, kwa sasa unatumiwa na klabu ya Black Leopards FC kama uwanja wa nyumbani.

 

6 ESTADIO 11 DE NOVEMBRO, ANGOLA

 

Estádio 11 de Novembro upo Angola lakini ulitumika kwa michuano ya Kombe la Mataifa ya Afrika mwaka 2010.Umejengwa kwa dola milioni 227 na una uwezo wa kuchukua mashabiki 50,000.

 

5 NELSON MANDELA BAY, A. KUSINI

 

Huu ni uwanja ambao ulijengwa kwa dola milioni 270.Upo katika mji wa Port Elizabeth na una uwezo wa kubeba mashabiki 48,459. Jina lake limetokana na Rais wa kwanza wa Afrika Kusini hayati Nelson Mandela.

 

4 ABUJA STADIUM, NIGERIA

 

Hiki ni moja kati ya viwanja vilivyojengwa kwa gharama zaidi barani Afrika.Dola milioni 360 ndio zilitumika kujenga uwanja huu wenye uwezo wa kuchukua mashabiki 60,491.Upo  kwenye mji mkuu wa Nigeria Abuja.

 

3 FNB STADIUM, AFRIKA KUSINI

 

Ni uwanja ambao ulijengwa kwa dola milioni 440 na kutumika katika fainali za Kombe la Dunia za mwaka 2010 nchini Afrika Kusini.

Jina lake lilizoeleka na wengi ni Soccer City. Huu ndio uwanja wenye uwezo wa kuchukua mashabiki wengi zaidi barani Afrika, una uwezo wa kubeba watu 94,736.

 

2 MOSES MABHIDA STADIUM

 

Moses Mabhida ulijengwa kwa dola milioni 450.Uwanja huu upo Durban Afrika Kusini na ulitumika kwa baadhi ya mechi za fainali ya Kombe la Dunia mwaka 2010.

Ulikuwa na uwezo wa kuingiza mashabiki 62,760 lakini wakati wa fainali za Kombe la Dunia ulipunguzwa na kuwa na uwezo wa kuchukua mashabiki 54,000.

 

1 CAPE TOWN STADIUM

 

Cape Town Stadium ndio uwanja wenye thamani kuliko vyote barani Afrika, kwani zimetumika dola milioni 600 katika ujenzi na una uwezo wa kuingiza mashabiki 64,100.

 

This email address is being protected from spambots. You need JavaScript enabled to view it.

 

Read more...

Baba Samatta; “Mwanangu Mungu atakuona”

 

Na Arone Mpanduka

 

BABA mzazi wa mshambuliaji wa timu ya soka ya taifa, Taifa Stars na klabu ya Genk ya Ubelgiji, Mbwana Samatta, amesema atajitahidi kuongeza maombi ili mwanae afanikiwe kutwaa tuzo ya mchezaji bora wa Afrika kwa mwaka huu.

Baba huyo mzee Ali Samatta aliyasema hayo hivi karibuni baada ya mwanae kuingia katika orodha ya mchujo ya wachezaji wanaowania tuzo ya mwanasoka bora wa Afrika.

Akizungumza na Tumaini Letu hivi karibuni, mzee Samatta alisema amefurahishwa na taarifa hizo na kwamba kilichobaki sasa ni kitu kimoja muhimu ambacho ni kuzidisha maombi kwa ajili ya mafanikio ya mwanae.

“Nimefurahishwa sana na taarifa hizo, ama kweli Mungu mkubwa.Namuomba aendelee kumjaalia katika safari yake ya kuwania tuzo na nina imani Mungu atamsaidia na kufanikiwa kutwaa tuzo hiyo”

“Siku zote unapoonyesha juhudi katika kazi yako unatoa fursa ya wengi kuiona, kwa hiyo hata Mbwana juhudi zake zimemsaidia na wengi wameuona uwezo wake na kumjumuisha kwenye tuzo,”alisema mzee Ali Samatta.

Alisema mafanikio mengi aliyopata mwanae yametokana na maombi yake ya mara kwa mara.

“Mara nyingi katika maombi yangu huwa ninamkumbuka sana mwanangu na kumuombea mafanikio mema katika kazi yake.Hata yeye pia huwa ana swali sana huko aliko na anamuogopa sana Mungu, ndiyomaana anafanikiwa”

Mwezi Januari mwaka huu, Samatta alitwaa tuzo ya mwanasoka bora wa Afrika kwa wachezaji wa ndani ya Bara hilo.

Mchezaji huyo alizaliwa Januari 7 mwaka 1992 katika mkoa wa Dar es salam.

Katika maisha yake ya soka alianza kucheza mpira katika klabu ya Kimbangulile FC na kisha African Lyon kwa muda wa miaka miwili kutoka 2008 hadi 2010 na kuhamia katika klabu ya Simba.

Mwaka 2011 alijiunga na klabu ya TP Mazembe ya Congo DR na aliweza kuifungia jumla ya  magoli 60.

Januari mwaka huu alijiunga na klabu ya KRC Genk ya Ubelgiji na sasa ameanza kuaminika kwani mechi kadhaa za Ligi Kuu amekuwa akifunga magoli.

Hadi sasa Samatta anajulikana sana katika mji wa Lubumbashi kwa kuwa alifunga magoli nane katika mashindano ya Ligi ya mabingwa Africa na kuiwezesha Mazembe kutwaa kombe hilo.

Licha ya kucheza soka nchini Ubelgiji, Samatta bado ana ndoto za kusonga mbele zaidi ambapo anatamani kucheza Ligi Kuu soka nchini England ama Ligi ya Ufaransa.

Mara nyingi amekuwa akisikika akisema kwamba Ligi za nchi hiyo zinamtangaza haraka mchezaji katika soko la dunia ikilinganishwa na zingine.

 

Xxxxxxx

 

 

 

 

 

 

 

Read more...

Tamasha Jubilei Huruma ya Mungu kunguruma Dar

 

Na Timothy Kahoho

 

TAMASHA kabambe la Jubilei ya pekee ya Huruma ya Muungu imepangwa kufanyika katika viwanja vya Kanisa Kuu ya Mtakatifu Joseph Jimbo Kuu Katoliki la Dar es Salaam Dominika ya Oktoba 30, mwaka mwaka huu.

Paroko wa Kanisa Kuu ya Mtakatifu Joseph, Padri Dk. Joseph Matumani alisema hayo wakati akizungumza na gazeti hili, kufuatia maandalizi ya tamasha hilo kufikia asilimia 95 kwa kushirikisha vyama na vikundi vya Kitume mbalimbali na pia kwaya kadhaa pamoja na Kwaya za Kanisa Kuu la Anglikana la Mtakatifu Albano na Kanisa la kiinjili la Kilutheri Tanzania (KKKT).

“Tarehe 30/10/2016 yatafanyika maonyesho ya vyama na vikundi vya kitume kuanzia saa 1 hadi saa 7 mchana eneo la Kanisa la Mtakatifu Joseph. Vyama na vikundi hivyo vitatoka Kila parokia za Jimbo Kuu la Kanisa Katoliki la Dar es Salaam. Kwani kufanyika kwa maonyesho hayo ni kudhihisha uhai wa parokia husika kutokana na ushiriki wa viongozi na wanachama wa vyama na vikundi vyenyewe,” alisema Padri Matumaini.

Paroko huyo alidokeza kuwa kila chama na kikundi kitapewa eneo kwa ajili ya kuonyesha shughuli zake ikiwa ni pamoja na mavazi yao katika kuwavutia waamini kujiunga na vyama au vikundi hivyo. Alitolea mfano wa chama cha Kitume cha Moyo Mtakatifu wa Yesu kuwa wataonyesha sala zao na kuwaorodhesha kama wanachama wapya kutokana na kuvutiwa na sala zao.

Padri Matumaini alitaja vyama na vikundi vitavyofanya maonyesho hayo kuwa ni Rejio Maria, Wanawake Wakatoliki Tanzania (WAWATA), Umoja wa Wanaume Wakatoliki (UWAKA), Karismati, Katoliki, Kwaya ya Mtakatifu Joseph, na pia Kwaya za Walutheri na Anglikana.

“Siku hiyo kuanzia saa 7 hadi saa 12 jioni kutakuwepo na tamasha la kwaya mbalimbali. Kusema kweli, kuimba ni kumtukuza Mwenyezi Mungu na hivyo ni tendo la kusali, kujumuika pamoja na kusherehekea kimaisha,” alisema.

Aidha Padri Matumaini alitaja kwaya zitazotumbuiza kwenye tamasha hilo kuwa ni Familia Takatifu, Kwaya ya Mtakatifu Joseph, Kwaya ya Watoto, Kwaya mbili katika Lugha ya Kiingereza, na pia kwaya za kutoka Azania na Albano.

Kuhusu maudhui ya tamasha lote, Padri Matumaini alisema kuwa hiyo ni Jubilei ya Pekee ya Huruma ya Mungu, ambapo wakristo husali na kukaa pamoja katika kutafakari Neno la Mungu.

“Wito wangu kwa wote ni shime kwa waamini kujumuika na wote wenye mapenzi mema kushiriki  kutokana na kuguswa na Huruma ya Mungu,” alisema.MWISHO

 

 

 

 

 

End

 

Read more...

Hawa ndiyo mabingwa wa NBA ‘waliomzuia’ Obama kushuka kwenye ndege

UKIPENDA unaweza kuwaita Cavs ambao kwa kirefu wanaitwa Cleveland Cavaliers.Hawa ni mabingwa wapya wa Ligi ya NBA kwa mwaka huu.

Wamepata ubingwa huo kwa mara ya kwanza kabisa tangu timu ilipoanzishwa mwaka 1970.

Ilikuwa ni alfajiri ya Jumatatu ya Juni 20 mwaka huu ambapo walifanikiwa kuwanyuka Golden State Warriors katika mechi ya saba ya fainali za NBA.

Utamu wa mchezo huo ulimlazimu Rais wa Marekani Barack Obama ashindwe kushuka kwenye ndege yake ya Air Force One hadi mchezo ulipomazilika.Obama alikuwa akitoka safarini na familia yake lakini aliona kuteremka kwenye ndege ni kama kukosa uhondo wa Cavaliers.

JINSI ILIVYOANZA LIGI YA NBA

Cavaliers kwanza kabisa walianza kushiriki Ligi ya NBA mwaka 1970 chini ya umiliki wa Nick Mileti.

Baadae, Jerry Tomko ambaye ni baba  wa aliyekuwa mchezaji wa Baseball Brett Tomko akaipa timu hiyo jina rasmi la Cavaliers kufuatia hapo kabla kuitwa majina tofauti likiwemo Jays, Foresters na Presidents.

Cavaliers walikuwa wanatumia uwanja wa Cleveland Arena chini ya kocha Bill Fitch na wakapata mwanzo mbaya wa ligi kwa rekodi ya 15-67 katika msimu wao wa kwanza.

Mnamo mwaka 1994 timu hiyo ilianza kucheza mechi zake za nyumbani katika uwanja wa Quicken Loans ambao waliutumia pamoja na timu ya Cleveland Gladiators iliyokuwa ikishiriki Ligi ya American Football na Lake Erie Monsters iliyokuwa ikishiriki Ligi ya Hockey.

WAMILIKI WALIOPITA

Wadhamini kadhaa wamepita katika timu hiyo ambapo kuanzia mwaka 1970 hadi 1980 kampuni ya Austin Carr ilijitokeza kudhamini timu hiyo na kusaidia kuleta auheni.

Katika kipindi hicho ilijikuta ikizidi kuongeza wachezaji wenye vipaji kama vile Bobby "Bingo" Smith, Jim Chones, Jim Cleamons na Dick Snyder.

Cavaliers ilijitahidi na kumaliza msimu kwa rekodi ya 23–59 in their na kufuatiwa na ya 32–50 katika msimu wa 1972–73, na ya 29–53 katika msimu wa 1973–74.

Cleveland won 43 games in both of the 1976–77 and 1977–78 seasons, but both seasons resulted in early playoff exits. After a 30–52 season in 1978–79, Fitch resigned as head coach.

Cleveland ikashinda jumla ya michezo 43 katika misimu ya 1976/77 na 1977/78 lakini ulipofika msimu wa 1978/79 Fitch alijiuzulu ukocha.

Kuanzia mwaka 1980–83Ted Stepien akaitwaa timu hiyo baada ya Austin Carr kuachana nayo.

Mileti aliuza hisa zake kwa Louis Mitchell ambaye nae aliuza kwa Joe Zingale na baada ya hapo Zingale aliuza kwa Ted Stepien.

Kuanziamwaka 1983 hadi 1986 familia ya Gunds nayo ikaingia na kuweka hisa zake.Gunds walifanya mabadiliko kadhaa ikiwemo kubadili rangi za jezi kutoka ya mchanganyiko wa mvinyo na dhababu hadi mchanganyiko wa machungwa mbivu na bluu bahari.

Gunds pia waliibua jina la ziada la ‘Cavs’ambalo linatumika hadi sasa kama kifupi cha Cavaliers.Kifupi hicho kimelazimika kutumika kwa sababu za kibiashara.

Mbali na Gunds wapo wengine wengi waliopita kwa nyakati tofauti wakiwemo The Daugherty, Nance na Price

UJIO WA LEBRON JAMES

Cavaliers iliboronga kwa misimu mingi mfululizo na kuifanya msimu wa mwaka 2002/03 ifanye vibaya sana.

Wakati huo ndipo wazo la kumchukua LeBron James lilipowajia ambapo walimchukua kutoka shule ya Sekondari.

Kipindi hichohicho jezi zikabadilishwa tena kutoka rangi ya machungwa, nyeusi na bluu na kisha kurejea tena kwenye rangi ya mvinyo na dhahabu.

James alikuwa akisoma na kucheza mpira wa kikapu katika shule ya St Marry iliyo karibu na Akron.

James ambaye alipewa jina la King James, alianza kung’ara katika msimu wa 2003/04 na kutoa matumaini makubwa ya kufanya vizuri hapo baadae kwa timu hiyo kwani alianza kuwa mchezaji tegemeo.

Msimu huohuo alishinda tuzo ya mchezaji bora wa mwaka wa NBA.

Msimu wa 2004/05, uwezo wa James ukazidi kuzaa matunda hasa katika nyanja za pointi, ribaundi na pasi za magoli kwa kila mchezo.

Licha ya kuondoka kwaCarlos Boozer mwishoni mwa msimu huo, James alishirikiana kwa karibu na nguli Žydrūnas Ilgauskas na Drew Gooden ili kupata kikosi imara.

Kwa ujumla tangu mwaka 2003 hadi 2010, James alifanikiwa kutwaa tuzo ya Rookie of the Year(2004), Tuzo ya MVP, yaani mchezaji bora wa Ligi mara mbili(2009 na 2010) pia aliipeleka Cavaliers katika fainali za NBA kwa mara ya kwanza kabisa mwaka 2007.

Kadhalika amekuwa mfungaji bora wa mara zote ndani ya timu ya Cleveland Cavaliers.

Julai 8,2010 James alitangaza rasmi kuachana na Cavs na kutimkia katika timu ya Miami Heats, jambo ambalo liliwaudhi mashabiki wa Cavs waliohisi kama wamesalitiwa na kufikia maamuzi ya kuchoma moto jezi zake.

CAVALIERS WAHAHA

Baada ya James kuondoka zake mwishoni mwa mwaka 2010, Cavs wakaanza kuhaha huko na kule kusaka wachezaji mbadala kwa lengo la kuimarisha kikosi.

Cavs walitumia kipindi cha mapumziko mwaka 2010 kukisuka kikosi chao ambapo walimsaini Christian Eyenga, Ramon Sessions na Ryan Hollins kutoka katika timu ya Minnesota Timberwolves na kuwatema Delonte West na Sebastian Telfair.

Pia walimsaini Joey Graham na kuwatema Samardo Samuels na Manny Harris. Walifanya zoezi hilo hadi Februarimwaka 2011

Hata hivyo misimu iliyofuata kuanzia 2010/11,Cavs hawakufanya vizuri sana ambapo msimu wa 2012-13 walilazimika kumtimua kocha Byron Scott baada ya rekodi mbovu ya 64–166 ya misimu mitatu ya jumla.

MWAKA 2014 LEBRON AREJEA KUNDINI

Juni 20 mwaka 2014 Cavaliers wakamsajili kocha wa muda mrefu David Blatt na siku tatu baadae wakamsainisha kocha mwingine Tyronn Lue kama kocha msaidizi.Lue akawa kocha msaidizi wa NBA anayelipwa pesa nyingi zaidi.Ikumbukwe kwamba hivi sasa Lue ni kocha mkuu wa timu hiyo aliyeipa taji la kwanza kabisa la NBA  kwa mwaka 2016.

Julai 15 makocha hao walimsainisha James ambaye alirejea tena na kuendeleza rekodi zake za kufunga pointi nyingi na hatimaye kuifikisha Cavs kwenye fainali za NBA kwa mara ya pili tangu afanye hivyo 2007 na kuipatia taji la kwanza kabisa la NBA kwa mwaka huu wa 2016.

Pia kwa msimu wa 2015/16 James ametwaa tena tuzo ya MVP na kufanya iwe ya tatu katika klabu hiyo ukijumlisha na zile za 2009 na 2010.

Read more...

Wanamuziki kumbukeni kuti la mazoea humuangusha mgema

 

Na Arone Mpanduka

DAWA za kulevya ni tatizo sugu sasa ambalo limeonekana kuitikisa nchi ya Tanzania katika nyanja mbalimbali ikiwemo Elimu, Michezo, Utamaduni, Sanaa na nyinginezo nyingi.

Kupitia ukurasa huu ninaweza kusema kwamba upande wa sanaa, wimbi la matumizi ya dawa la kulevya limekithiri na kupoteza nguvu kazi ya wasanii wengi wakiwemo wa maigizo na muziki.

Tayari imezoeleka kwamba matumizi ya dawa hizo ni kitu cha kawaida na hadi kufikia wakati baadhi yao kusikika kwenye vyombo vya habari kwamba wanatumia dawa hizo ama waliwahi kutumia.

Hili limejitokeza hasa kwenye muziki wa kizazi kipya ambapo wasanii wengi wanaona kama ni jambo la kisasa ama ujanja hivi kujiingiza katika matumizi ya dawa hizo.

Hivi karibuni msanii wa muziki wa kizazi kipya anayefahamika kama Chidi Benz alijitokeza kwenye kituo kimoja cha televisheni na kuweka bayana kwamba anatumia dawa hizo na ni muathirika mkubwa wa dawa za kulevya.

Mbali na maelezo hayo, Chidi Benz aliamua kuomba msaada kwa Watanzania ili wamsaidie kwa hali na mali kwa sababu matumizi ya dawa hizo yaliathiri utendaji wa shughuli zake za muziki na kumfanya aanze kurudi nyuma kimaisha.

Kwa bahati nzuri mmoja kati ya mameneja wa muziki wa kizazi kipya nchini, Babu Tale alijitokeza kumsaidia kwa kumpeleka kwenye kituo maalum cha kusaidia waathirika wa dawa za kulevya ili warejee kwenye hali ya kawaida.

Si huyo tu, bali hata mwanamuziki mwingine, Rehema Chalamila maarufu kama Ray C, alilazimika kuweka bayana kile kinachomsibu juu ya matumizi ya dawa hizo.

Miaka miwili iliyopita, Ray C alijitokeza na kusema ukweli wake na kuomba msaada ambao ulikuwa ni kumpeleka kwenye kitengo maalum cha waathirika wa dawa hizo kilichopo kwenye Hospitali ya Mwananyamala jijini Dar es salaam.

Ama kwa hakika wimbi la wanamuziki wa Bongo Fleva wanaotumia dawa hizo ni kubwa. Wapo wanaotambulika kwa ushahidi wa kim azingira lakini hawaweki wazi kinachowasibu na matokeo yake muziki wao unazidi kuporomoka na wengine kupotea kabisa kwenye tasnia hiyo.

Kwa mfano Ray C muda mrefu amepotea kwenye tasnia ya muziki wa kizazi kipya huku Chidi Benz naye akianza kutoweka taratibu.

Kibaya zaidi wenyewe kwa wenyewe wanaonekana kufichiana siri wakidhani kwamba ndiyo wanasaidiana kumbe wanazidi kuumizana.

Ninadhani njia pekee ni wenyewe kwa wenyewe kufichuliana maovu walio nayo, jambo ambalo litaisaidia serikali kuwakamata hao watuhumiwa hasa wanaowauzia dawa hizo kupitia vyombo vyake husika.

Tayari wasanii kadhaa wa muziki wa kizazi kipya wametangulia mbele ya haki kwa athari za matumizi ya dawa za kulevya akiwemo Langa Kileo, maarufu kama ‘Langa’ na Albert Mangwea.

Wanamuziki waliobaki wanapaswa kutambua kwamba wanapojiingiza kwenye wimbi la matumizi ya dawa hizo maisha yao huyaweka rehani ikiwemo na fani yao kwa ujumla.

Athari mojawapo ya mtu anayetumia dawa za kulevya ni kutojali kitu chochote, hivyo kama ni mwanamuziki basi hata kazi yake hawezi kuijali na matokeo yake hujikuta muziki wake ukirudi nyuma siku hadi siku.

Kurudi nyuma kwa maendeleo ya muziki huenda sanjari na kufifia kwa kipato na matokeo yake huangukia kwenye umasikini wa kutupwa.

Hali hiyo huchangia kuligharimu taifa kwa ujumla kwa sababu maendeleo ya taifa husababishwa pia na uwezo wa mtu mmoja mmoja, kwa maana ya kwamba kama msanii anafilisika kwa matumizi ya dawa za kulevya maana yake anakuwa mzigo kwa Serikali na taifa kwa ujumla.

Ni jukumu la mwanamuziki mmoja mmoja kukaa na kujitathmini kile anachokifanya na kuhakikisha hajiingizi kwenye wimbi hilo ama kama alianza kutumia dawa hizo ahakikishe anaacha mara moja, vinginevyo anguko lake litakuwa baya.

Na.   Aron Mpanduka.

 

 

 

 

 

 

Read more...

JINSI GANI UWANJA WA TENNIS UTATENGENEZWA

 

Sara Fray ni Mkurugenzi wa huduma za Uhandisi na Ufundi kutoka katika taasisi inayojishunghulisha na masuala hayo jijini London,  anasema kwamba ujenzi wa majengo chini ya bahari daima utabaki kuwa na ugumu.

Alisema uwanja wa tenisi utakuwa ni kitu kikubwa mno kukitengeneza na kisha kukizamisha chini ya bahari.

“Unazungumzia uwekezaji wa hali ya juu hata kama utaujenga nchi kavu na kuuzamisha baharini.Huu ni ujenzi wenye gharama mno,”alisema.

Alisema kuna vigezo vingi vya kuangalia wakati wa ujenzi huo ikiwemo kuhakikisha kwamba kiwanja kinajengwa chini zaidi kutoka usawa wa bahari ili kuepuka muingiliano wa vyombo vya usafiri kama vile boti na meli.

Alisema ndani ya bahari kuna vitu vingi kinzani kwa sababu hata boti haziruhusiwi kushusha hovyo nanga zake hata kama kuna dharula imetokea.

“Pia haitakiwi boti nzito kuweka nanga juu ya dali la kioo la uwanja, vinginevyo kiwanja kizamishwe chini ya maji ya bahari yenye ujazo mdogo,”alisema mhandisi huyo.

Alisema kuna njia mbili za ujenzi ikiwemo ya kujenga uwanja nchi kavu na kisha kuuzamisha baharini, ama kutumia kifaa maalumu cha kuyapa msukumo maji kuondoka eneo husika na kisha kujenga uwanja chini ya lile eneo.

“Ninafikiri projekti hii ya chini ya bahari ni ghali sana.Lakini kuna msemo kwamba kila kitu kinawezekana ikiwa una pesa za kutosha,”alihitimisha Fray.

Uwanja huo ukikamilika utaweka rekodi ya kuwa uwanja wa kipekee wa michezo duniani kujengwa chini ya bahari.

VIWANJA VINAVYOTAMBA SASA

Kwa sasa vipo viwanja vya tenisi vya nchi kavu vingi vinavyotesa kwa ubora duniani lakini kwa viwango tofauti tofauti.

ARTHUR ASHE

Uwanja huu umejengwa kwa heshima ya mchezaji mkongwe wa Kimarekani na kutambulika kama moja kati ya viwanja vikubwa kabisa vya tenisi duniani.

 

Uwanja huu upo pale New York City nchini Marekani na unaingiza jumla ya watazamaji 23,000.Ulijengwa kwa gharama ya dola milioni 250.

 

Uwanja huo umeibuka baada ya maboresho ya uwanja wa Louis Armstrong ambao ulitumika kwa mashindano ya wazi ya US mwaka 1997.

 

COURT PHILIPPE

Ni uwanja mkongwe ambao umetengenezwa kwa heshima ya mkuu wa Shirikisho la Tenisi ya Ufaransa.

 

Uwanja huo upo nchini Ufaransa na ulijengwa mwaka 1928 na tangu wakati huo umekuwa ukitumika katika mashindano ya French Open.

 

Unaingiza watazamaji wapatao 15,000 na unabaki kuwa uwanja mkongwe wa tenisi duniani.Rafael Nadal anaukumbuka uwanja huu kwa sababu alishinda taji la French Open mara nane.

 

INDIAN WELLS TENNIS GARDEN

Uwanja unapatikana Califonia nchini Marekani. Ni uwa nja unaotumika kwa fainali za Indian Wells Masters ambayo kwa sasa inafahamika kama BNP Paribas Open.

Unaingiza jumla ya watazamaji 16,100 na umejengwa kwa gharama ya dola milioni 77.

Imeandaliwa na Arone Mpanduka. This email address is being protected from spambots. You need JavaScript enabled to view it.

Read more...

Huu ndiyo uwanja wa tenisi ulio chini ya bahari

BILA shaka mwaka jana uliusikia mpango wa kujenga uwanja wa tenisi chini ya bahari.

Habari njema ni kwamba mpango huo umeanza kutekelezwa na hatua zake ninakwenda kadiri ya mpangilio waliojiwekea wakiamini kwamba utakamilika mwaka huu.

Dubai ni miongoni mwa miji ambayo inafahamika kwa majengo ya kipekee na kifahari huku watu wengi kutoka sehemu mbali mbali duniani wakivutiwa kwenda Dubai kutalii ama kufanya biashara.

Tangu mwaka jana Dubai walionyesha dhamira hiyo kwa kuweka bayana mpango wa kujenga uwanja wa kisasa wa mchezo wa tenisi chini ya bahari.

Dubai wako kwenye mkakati wa kutekeleza project yao mpya unaojulikana ‘Underwater Tennis Stadium’ itakayowezesha mashabiki wa mchezo wa tennis Dubai na duniani kufurahia kucheza au kushuhudia mechi za tennis chini ya maji.

Krzysztof Kotala ndio msanifu majengo mkuu anayehusika na ujenzi wa uwanja huo  wa chini ya maji na anasema anataka uwanja uwe zaidi ya uwanja wa michezo kwani utakuwa na sehemu ya vivutio vya kitalii kwa watu wanaopenda kwenda Dubai kwa matembezi yao binafsi.

Read more...

HAYA NDIO MAMBO YA SOKO

  • Published in Michezo

Unajua kwamba mchezaji anapopiga mpira nao unampiga?

MICHEZO yoyote ambayo inachezwa na kushindaniwa na binadamu huwa inahitaji vipaji kutoka kwa wachezaji.

Vipaji ambavyo vinatumiwa na wachezaji husika huweza kutofautiana na hapo ndipo watazamaji na mashabiki tunapoweza kuwatofautisha kwa kuwaweka katika madaraja tofauti tofauti.

Hata hivyo katika michezo si vipaji pekee ambavyo hutumiwa na mchezaji ili kupata mafanikio uwanjani bali pia mbinu za kisayansi kuweza kutumika katika kupata mafanikio husika.

Yafuatayo ni matukio mbalimbali yanayotokea michezoni pamoja na uhusiano wake wa kisayansi na tafiti zingine.

MPIRA KUPIGWA JUU NA KURUDI CHINI

Tafiti za kisayansi zinasema kuwa mwanasoka anapopiga mpira angani, mpira ule hukumbana na msuguano mkali kadiri unavyozidi kuambaa.

Msuguano huo ambao hauonekani kirahisi husababishwa na hewa ya anga ambayo kisayansi inatambulika kama maada(maada ni kitu chochote chenye uzito na kinachochukua nafasi).

Kadiri mpira unavyozidi kusafiri angani ndipo unavyozidi kuathiriwa na msuguano wa hewa(frictional force), na hapo ndipo utauona taratibu unaanza kupungua mwendo na kurudi tena chini.

Unapokuwa unarudi chini, mpira huo huanza kuathiriwa na nguvu ya mvutano kutoka ardhini ambayo kitaalamu inaitwa Gravitational Force.

Wakati mpira unapotua ardhini huenda katika tendo linguine la kisayansi lijulikanalo kama ineshia(inertia), Ineshia ni hali ya kitu chenye uzito kutaka kuendelea na mwendo kasi ama kutaka kubaki katika hali yake ya utulivu.

Mpira wa kuchezea nao upo katika hali hiyo ambapo mtu anapoupiga utasogea na mtu asipoupiga utabaki katika utulivu wake.Kwa maana nyingine tunasema kwamba hiyo ipo ndani ya sharia ya kwanza ya mwanasayansi Isaac Newton.

MCHEZAJI ANAPIGA MPIRA BILA KUJUA UNAMPIGA

Leo hii tumekuwa tukiona wanasoka kadhaa wakisifika kwa kupiga mashuti golini na hata kuwatesa magolikipa.

Wapo wachezaji wanaopiga mipira na kufunga magoli mazuri na si kufunga tu bali hata kushuhudia mipira ikichana nyavu.

Kisayansi tunaambiwa kwamba mchezaji yoyote anayepiga mpira, mpira huohuo ndiyo unaompiga bila kujijua.

Dhana hiyo imechukuliwa kutoka katika sheria ya tatu ya mwanasayansi Isaac Newton(Law of action and reaction).

Sheria hii inaeleza kwamba nguvu unayoweka kwenye kufanya kitendo ndio nguvu hiyo hiyo unayoipata kutoka kwenye kitendo hicho. Yaani kama unasukuma ukuta na ukuta nao unakusukuma kwa nguvu sawa na unayoiweka.

Hivyo hata kwenye mpira, mchezaji anapojikamua na kupiga shuti kali, ule mpira anaopiga nao unaupiga mguu wake bila yeye na watu wengine kugundua.

Katika kudhihirisha ukweli wa hilo ni kwamba kwanini unapopiga shuti kwa kutumia mguu ulio peku, baada ya muda unahisi mguu una maumivu?

KWANINI MBIO ZA MAGARI KWENYE NJIA ZA VUMBI?

Kama ni mfuatiliaji sana wa michezo utagundua kwamba mara nyingi mashindano ya mbio za magari hufanyika kwenye barabara za vumbi badala ya lami.

Hata nchi za Ulaya nako huwa wanatafuta barabara za vumbi na kufanya mashindano hayo.

Kwa mujibu wa tafiti za kisayansi, gari huwa na mwendokasi mkubwa zaidi kwenye barabara ya vumbi ikilinganishwa na barabara ya lami.

Hiyo ni kwa sababu kiwango cha msuguano kati ya gurudumu la gari na ardhi tupu huwa ni kikubwa sana(msuguano mkubwa ndiyo unaochochea mwendokasi na ndiyo maana gurudumu za gari huchakaa)

Kwenye barabara ya lami ni tofauti kidogo kwa sababu kiwango cha msuguano kati ya gurudumu na lami ni kidogo sana(msuguano mdogo unafanya mwendokasi kuwa hafifu pia).

KUOGELEA NA NYWELE NDEFU

Utafiti wa kisayansi unaeleza kwamba katika mchezo wa kuogelea, mchezaji mwenye nywele ndefu ana uwezekano mdogo wa kupata ushindi katika mchezo huo.

Hiyo ni kwa sababu nywele ndefu zinapopambana na maji huzalisha kiwango kikubwa cha msuguano kinachopunguza kasi ya kuogeleaji.

Hivyo endapo muogelaji atakuwa na kawaida ya kunyoa nywele basi atafanya kiwango cha msuguano kuwa kidogo zaidi na kumpa kasi kubwa ya kuogelea.

This email address is being protected from spambots. You need JavaScript enabled to view it.

Read more...
Tumaini Media

Radio-TV Tumaini, also trading as Tumaini Media, is legally registered in Tanzania under the Business Registration and Licensing Agency (Brela), No 116952. It is a registered Tax payer with TIN 100-251-094 and VRN 10-012753-P. Tumaini Media runs radio and TV stations, and a newspaper namely Radio Tumaini, Tumaini Television and Tumaini Letu, respectively. Tumaini Media seeks to serve the Tanzania community regardless of their colour. race. religion and tribe.

  Jesus is the Patron of our Station

We Now Covering 7 Regions

Coverage has been expanded to include seven out of 21 regions of Tanzania, thus: Tanga, Pwani, Morogoro, Zanzibar, Dar es Salaam and some areas of Dodoma, Kilimanjaro, Iringa and Mbeya Regions.