Menu

ILI KUKUZA AMANI NA UPENDO SALA INAHITAJIKA: BALOZI WA PAPA TANZANIA

KAHAMA

Balozi wa Baba Mtakatifu nchini Askofu Mkuu FRANCESCO MONTECILLO PADILLA amewataka Waamini kuwa na Moyo wa Ibada na Sala na kukuza upendo na amani katika Kanisa na jamii.

Ametoa rai hiyo wakati wa adhimisho la Misa Takatifu ya kubariki na Kutabaruku Kanisa jipya la Parokia ya Ekaristi Takatifu, Kabuhima, Jimbo Katoliki la Kahama katika ziara yake mwishoni mwa juma lililopita.

Askofu Mkuu PADILLA amesema Kanisa ni mahali pa Sala hivyo kila mwamini anapaswa kuwa chumvi na mwanga wa Dunia ili kukuza mapendo kwa Mungu na kwa majirani katika maisha ya kila siku.

Amelitaka Kanisa liwasaidie waamini kupendana na kuwa karibu na Mungu kwa sala, kujenga mshikamano na amani na kuishi udugu kwa sifa na utukufu wa Mungu.

Balozi huyo wa Vatikani anayemaliza muda wake hapa nchini amemshukuru Askofu wa Jimbo la Kahama Mhashamu LUDOVICK MINDE kwa mwaliko wake na mapokezi makubwa Jimboni humo.

Askofu Mkuu PADILLA amempongeza Paroko wa Parokia ya Kabuhima Padri SALVATORE GUERRERA ambaye ni Mmisionari kwa jitihada zake na ushirikiano baina yake na Waamini.

Ameitakia Parokia hiyo mshikamano endelevu wa Sala uliofanikisha ujenzi wa Kanisa jipya lenye uwezo wa kuchukua waamini 1500 na pia ameliombea Baraka Jimbo la Kahama liendelee kudumu katika Imani.

Askofu Mkuu PADILLA amatumia ziara hiyo kuwaaga waamini wa Jimbo la Kahama baada ya hivi karibuni kuteleuliwa na Baba Mtakatifu FRANSISKO kuwa balozi Mpya wa Kuwait na Kisiwa cha Kiarabu.

***

Gaudence Hyera

DAR ES SALAAM

back to top
Tumaini Media

Radio-TV Tumaini, also trading as Tumaini Media, is legally registered in Tanzania under the Business Registration and Licensing Agency (Brela), No 116952. It is a registered Tax payer with TIN 100-251-094 and VRN 10-012753-P. Tumaini Media runs radio and TV stations, and a newspaper namely Radio Tumaini, Tumaini Television and Tumaini Letu, respectively. Tumaini Media seeks to serve the Tanzania community regardless of their colour. race. religion and tribe.

  Jesus is the Patron of our Station

We Now Covering 7 Regions

Coverage has been expanded to include seven out of 21 regions of Tanzania, thus: Tanga, Pwani, Morogoro, Zanzibar, Dar es Salaam and some areas of Dodoma, Kilimanjaro, Iringa and Mbeya Regions.