Menu

RAIS MAGUFULI,AMETUMA SALAMU ZA RAMBIRAMBI KWA KIFO CHA ASKOFU MSTAAFU DODOMA.

DAR ES SALAAM

Rais wa Jamhuri ya Muungano wa Tanzania Dakta JOHN POMBE MAGUFULI ametuma salamu za rambirambi kwa Kanisa Katoliki nchini kufuatia Kifo cha Askofu Mstaafu wa Jimbo Kuu Katoliki la Dodoma Mhashamu MATHIAS JOSEPH ISUJA.

Katika Salamu hizo alizozituma kwa Rais wa Baraza la Maaskofu Katoliki Tanzania-TEC Mhashamu TARCISIUS NGALALEKUMTWA, Rais MAGUFULI amesema amepokea kwa huzuni kubwa taarifa za kifo cha Askofu MATHIAS ISUJA.

Rais MAGUFULI amesema Askofu Mstaafu ISUJA alikuwa mzalendo wa kweli Askofu Mstaafu ISUJA ambaye kazi yake na huduma yake kwa jamii ya Watanzania ni vigumu kuipima.

Ameongeza kuwa Askofu ISUJA atakumbukwa kwa namna alivyokuwa alikuwa kipenzi cha watu, aliyejitolea kwa Moyo wake wote na aliyefanya kazi kubwa ya kuwajenga watu Kimwili na Kiroho.

Amebainisha kuwa Serikali yake na Watanzania kwa ujumla kamwe hawatasahau mchango mkubwa wa Askofu ISUJA katika mandeleo ya Elimu, Afya na malezi ya watoto.

Dakta MAGUFULI amemuomba Rais wa TEC Askofu TARCISIUS NGALALEKUMTWA kufikisha salamu zake kwa Baraza la Maaskofu, Waamini wa Kanisa Katoliki na wote walioguswa na Msiba huo.

Marehemu Askofu Mstaafu MATHIAS JOSEPH ISUJA alifariki Dunia juzi Alfajiri katika Hospitali ya Mtakatifu GASPAR iliyopo Manyoni Singida alikokuwa amelazwa kutokana na Maradhi ya Saratani ya Tumbo.

Askofu huyo aliyekuwa mzalendo wa kwanza kuliongoza Jimbo Kuu Katoliki la Dodoma, aliwekwa Wakfu kuliongoza Jimbo hilo Mwaka 1972 na kustaafu mwaka 2005, amefariki akiwa na umri wa miaka 87.


Wakati huo huo, Mapadri waliobahatika kufanya utume na Askofu ISUJA, wamesema alikuwa ni mfano kwa kuwa alikuwa mtu mwenye kutoa mawazo, ushauri mwenye kupenda masikilizano bila upendeleo wowote.

Paroko wa Parokia ya Kanisa Kuu Padri SEBASTIAN MWAJA amesema Askofu ISUJA atakumbukwa kwa mengi aliyofanya katika jimboni humo ikiwemo harakati za kuhamasisha vijana kujiunga na miito mitakatifu.

Padri MWAJA amesema Askofu ameyapokea mashirika mengi ya kitawa na kuyapa fursa za kufanya kazi za utume katika jimboni Dodoma kwa kipindi alichokuwepo madarakani.

Kuhusu elimu na huduma za jamii, amesema ilikuwa kazi ya mashirika mbalimbali ya kitawa na ilikuwa jitihada zake yeye mwenyewe kwani alikuwa ni msimamizi na mwelekezaji kuhusu shughuli mbalimbali zilizotakiwa kufanywa na mashirika hayo.

Padri MWAJA amesema, Askofu ISSUJA alikuwa ni tegemeo kubwa katika kanisa hususani katika ujenzi wa kanisa la mungu, kwani alikuwa akitafuta hata wafadhili kwa ajili ya ujenzi wa nyumba mbalimbali za Mungu.

Kwa Upande wake Paroko wa Parokia ya Mpwapwa, Padri DAVID NGIMBA Mpwapwa amesema amepokea kwa masikitiko makubwa kifo cha Askofu ISUJA kwani alikuwa mshauri na mlezi wake katika makuzi yake yote ya kikasisi na hata alipokuwa paroko wa kanisa kuu la Kiaskofu la jimbo kuu katoliki Dodoma.

Naye Paroko wa Parokia ya Kiwanja cha ndege Dodoma JOHN MAZENGO marehemu Askofu ISUJA mara nyingi alikuwa chachu ya maendeleo ya kimwili na kiroho.

 

 

***

 

 

Ashura Kishimba, Gaudence Hyera


 

Last modified onSaturday, 16 April 2016 09:58
back to top
Tumaini Media

Radio-TV Tumaini, also trading as Tumaini Media, is legally registered in Tanzania under the Business Registration and Licensing Agency (Brela), No 116952. It is a registered Tax payer with TIN 100-251-094 and VRN 10-012753-P. Tumaini Media runs radio and TV stations, and a newspaper namely Radio Tumaini, Tumaini Television and Tumaini Letu, respectively. Tumaini Media seeks to serve the Tanzania community regardless of their colour. race. religion and tribe.

  Jesus is the Patron of our Station

We Now Covering 7 Regions

Coverage has been expanded to include seven out of 21 regions of Tanzania, thus: Tanga, Pwani, Morogoro, Zanzibar, Dar es Salaam and some areas of Dodoma, Kilimanjaro, Iringa and Mbeya Regions.